اسلام آباد اور پنڈی میں 5 روز کیلئے شادی ہال،کیفے اور ریسٹورینٹس بندکرنےکاحکم

اسلام آباد اور راولپنڈی  میں شنگھائی تعاون تنظیم (ایس سی او) کانفرس کے  پیش نظر 12 سے 16 اکتوبر کے دوران  شادی ہال،کیفے، ریسٹورینٹ اور اسنوکرکلب بندکرنےکاحکم دیا گیا ہے۔

 پاکستان کی سربراہی میں ایس ای او سربراہ اجلاس 16 اور 17 اکتوبر کو اسلام آباد میں ہورہا ہے جس میں چین کے وزیراعظم لی چیانگ سمیت مختلف ممالک کے سربراہان شرکت کریں گے۔

 پولیس کے مطابق ایس ای او سربراہ اجلاس  کے دوران  جڑواں شہروں میں سکیورٹی سخت کرنے کا فیصلہ کیا گیا ہے جس کے تحت 12 سے 16 اکتوبر کے دوران شادی ہال،کیفے، ریسٹورینٹ اور اسنوکرکلب بندکرنےکا حکم بھی دیا گیا ہے۔

پولیس نے تاجروں، ہوٹل اور ریسٹورینٹ مالکان کو نوٹسز جاری کردیے ہیں جس میں بتایا گیا ہے کہ خلاف ورزی کرنے والوں کے خلاف قانونی کارروائی کی جائےگی۔

دوسری جانب  پولیس نے تاجروں اور ہوٹل مالکان سے شورٹی بانڈز طلب کرلیے ہیں جب کہ  دونوں شہروں میں 14 سے 16 اکتوبر تک عام تعطیل کا اعلان بھی کیاگیاہے۔

بھارتی وزیر خارجہ شنگھائی تعاون تنظیم کے اجلاس میں شرکت کیلئے پاکستان آئیں گے

شنگھائی تعاون تنظیم کا سربراہی اجلاس 15 اور 16 اکتوبر کو اسلام آباد میں ہوگا۔

ایس سی او میں بھارتی وزیر خارجہ کی شرکت پاک بھارت تعلقات کیلئے اچھی خبر ہے: عرفان صدیقی

بھارتی وزیر خارجہ جے شنکر کو دفاعی تنصیبات اور شہدا کے تباہ شدہ مزاروں پر بھی لے جائیں تاکہ پی ٹی آئی اور بھارت ہمیشہ کیلئے لازوال رشتوں میں بندھ جائیں: سینیٹر عرفان صدیقی