ملائیشیا فلسطینی عوام کے محافظ یحییٰ سنوار کی شہادت پر غمزدہ ہے: انور ابراہیم

ملائیشیا کے وزیراعظم انور ابراہیم نے   فلسطین کی مزاحمتی تنظیم حماس کے سربراہ یحییٰ سنوار کی شہادت پر افسوس کا اظہار کیا ہے۔

ایکس  پر جاری بیان میں ملائیشیا کے  وزیراعظم انور ابراہیم کا کہنا تھا کہ  ملائیشیا فلسطینی عوام کے ایک مجاہد اور محافظ،  یحییٰ سنوار کی شہادت پر غمزدہ ہے، جنہیں  ظالم صیہونی حکومت نے بے دردی سے شہید کر دیا۔

 انور ابراہیم کا کہنا تھا کہ ایک بار پھر بین الاقوامی برادری امن اور  انصاف کو یقینی بنانے میں ناکام رہی ہے، جس سے تنازع کی صورتحال مزید خراب ہو گئی ہے۔

امیر قطر کی والدہ کا یحییٰ سنوار کو شاندار الفاظ میں خراج عقیدت

امیر قطر کی والدہ نے ایکس پر لکھا کہ انہوں نے اسے مردہ سمجھا لیکن وہ زندہ ہے۔ اپنے نام یحییٰ بن زکریاکی طرح زندہ رہےگا اور وہ ختم ہو جائیں گے۔

انور ابراہیم کا کہنا تھا کہ ملائیشیا اس قتل کی شدید مذمت کرتا ہے، یہ ثابت ہو چکا ہے کہ  فلسطینیوں کی آزادی کی جدوجہدکو کمزور کرنے کی کوششیں ناکام رہیں گی۔ ملائیشیا زور دیتا ہے فلسطینی عوام کے مسلسل قتل و غارت کو فوری طور پر روکا جائے۔

خیال رہے کہ  16 اکتوبر کو اسرائیلی فورسز جب رفح کے علاقے میں آپریشن کر رہی تھیں تو اس وقت ان پر ایک عمارت سے فائرنگ کی جس کے جواب میں صیہونی فورسز نے ٹینک سے اس عمارت پر فائرنگ اور بمباری کی اور جب عمارت کا جائزہ لینے کے لیے ڈرون کیمرا اندر بھیجا تو ایک شخص تباہ حال عمارت میں زخمی حالت میں صوفے پر بیٹھا تھا۔

’سنوارنے ہمارا گھر معزز اور قابل فخر بنا دیا‘، مکان مالک نے گھر کی پرانی تصاویر جاری کردیں

اسرائیل کی جانب سے جاری مناظر میں دیکھا جا سکتا ہے کہ زخموں سے چور سنوار ایک گھر میں صوفے پر بیٹھے ہیں اور الٹے ہاتھ سے ڈرون پر چھڑی پھینکتے ہیں

اسرائیلی فوج کے ترجمان کے مطابق آپریشن کے دوران حماس کے 3 کمانڈرز مارے گئے جن میں سے ایک کے بارے میں گمان ہوا کہ وہ یحییٰ سنوار ہیں تاہم اس بات کی تصدیق نہ ہو سکی۔

معاملے کے بارے میں معلومات رکھنے والے امریکی حکام نے اس حوالے سے بتایا کہ اسرائیلی فوجیوں نے لاش کو تحویل میں لیکر دانتوں کے ریکارڈ اور دیگر بائیو میٹرک معلومات کے ذریعے تصدیق کی کہ حملے میں مارے گئے افراد میں یحییٰ سنوار بھی شامل تھے۔

شہادت ہر مسلمان اور مجاہد کا سب سے بڑا خواب ہے، افغان طالبان کا سنوار کی شہادت پر ردعمل

قابض اسرائیلیوں کو یہ نہیں بھولنا چاہیے مجاہدین قائدین کی شہادت سے دشمن کے خلاف جدوجہد کو کئی گنا زیادہ تقویت ملے گی: ذبیح اللہ مجاہد

یحییٰ سنوار غاصبوں سے لڑتے ہوئے ہیرو کی طرح شہید ہوئے، القسام بریگیڈ کا ردعمل آگیا

حماس نے اپنے سربراہ کی شہادت کی تصدیق کی