29 اکتوبر ، 2024 
بھارت: کھانے میں تھوک اور یورین شامل کرنے کی ویڈیوز وائرل ہونے کے بعد سخت قانون سازی کا فیصلہ
29 اکتوبر ، 2024
بھارت میں ریسٹورنٹس، فوڈ اسٹالز اور ڈھابوں پر کھانوں میں تھوک اور یورین شامل کرنے کی غیر مصدقہ ویڈیوز وائرل ہونے پر سخت قانون سازی کا فیصلہ کرلیا گیا۔
بھارتی ریاست اتراکھنڈ کی حکومت نے ایک لاکھ روپے جرمانے، جبکہ ریاست اُترپردیش کی حکومت نے 10 سال قید کی سزا کا فیصلہ کیا ہے۔
وائرل ویڈیوز میں مسلمانوں پر الزام لگایا گیا ہے کہ یہ ’تھوک جہاد‘ کر رہے ہیں۔
برطانوی نشریاتی ادارے بی بی سی کے مطابق فیکٹ چیک میں ایسی ویڈیوز فیک نکلیں۔
ایک ویڈیو میں کھانے میں غلاظت کی ملاوٹ کرنے والی خاتون کو مسلمان بتایا گیا لیکن گرفتاری پر وہ ہندو نکلی۔
اترپردیش میں یوگی ادتیہ ناتھ کی بی جے پی حکومت نے ہر ریسٹورنٹ اور فوڈ اسٹال کے مالک پر لازم کیا ہے کہ وہ مالک اور ملازموں کے نام نمایاں طور پر آویزاں کریں جبکہ اپوزیشن نے ان فیصلوں کو مسلم اقلیت کے کاروبار کو نشانہ بنانے کی سازش قرار دیا ہے۔
قانونی ماہرین کے مطابق موجودہ قوانین فوڈ سیفٹی یقینی بنانے کے لیے کافی ہیں اور نئی قانون سازی کی ہرگز کوئی ضرورت نہیں ہے۔
مزید خبریں :
ڈونلڈ ٹرمپ، کاروبار سے امریکی صدارت کا سفر
6 گھنٹے پہلے
شمالی غزہ میں اسرائیلی فوج کے کیپٹن سمیت 4 اہلکار ہلاک
12 گھنٹے پہلے
غزہ میں 12 ہزار طلبہ شہید، سیکڑوں تعلیمی ادارے جنگ کی نذر ہوگئے
29 اکتوبر ، 2024
حزب اللہ نے نعیم قاسم کو نیا سربراہ مقرر کردیا
29 اکتوبر ، 2024
غزہ میں اسرائیلی فوج کا رہائشی عمارت پر حملہ، 93 فلسطینی شہید
29 اکتوبر ، 2024
چین میں چاقو کے حملے سے 3 بچوں سمیت 5 افراد زخمی
29 اکتوبر ، 2024
