31 اکتوبر ، 2024 
اب جی میل پر آپ کو خود ای میل تحریر کرنے کی ضرورت نہیں رہی
31 اکتوبر ، 2024
گوگل نے جی میل کے ویب صارفین کے لیے ای میلز کو تحریر کرنا بہت آسان بنا دیا ہے۔
اس مقصد کے لیے گوگل نے ہیلپ می رائٹ نامی فیچر جی میل کے ویب ورژن میں متعارف کرایا ہے۔
آرٹی فیشل انٹیلی جنس (اے آئی) ماڈل جیمنائی پر مبنی یہ فیچر اگست میں موبائل صارفین کے لیے متعارف کرایا گیا تھا۔
یہ فیچر فی الحال جی میل کے ان صارفین کو دستیاب ہے جو گوگل ورک اسپیس یا گوگل ون اے آئی پریمیئم پروگرام کے تحت ماہانہ فیس ادا کرتے ہیں۔
ہیلپ می رائٹ فیچر کے ذریعے صارفین محض ایک کلک پر نئے ای میل ڈرافٹس بنا سکیں گے۔
اگر آپ شروع سے آخر تک ای میل تحریر کرنا چاہتے ہیں تو بھی جیمنائی ٹولز سے آپ ایسا کرسکیں گے، بس اے آئی ماڈل کو آپ نے چند الفاظ فراہم کرنا ہوں گے۔
اگر آپ پہلے سے موجود کسی ڈرافٹ کو بہتر کرنا چاہتے ہیں تو پالش فیچر آپ کو مختلف آپشنز فراہم کرے گا۔
ان آپشنز سے ای میل کے انداز کو فوری بدلنا ممکن ہو جائے گا۔
اس فیچر کو استعمال کرنے کے لیے آپ کو اپنے ڈرافٹ کا آغاز کم از کم 12 الفاظ سے کرنا ہوگا جس کے بعد پالش آپشن نظر آئے گا۔
ہیلپ می رائٹ کا شارٹ کٹ کمپوز ونڈو میں نظر آئے گا۔
کمپنی کے مطابق یہ فیچر بتدریج جی میل کے ویب صارفین کو دستیاب ہوگا۔
مزید خبریں :
جی میل میں ایک دلچسپ فیچر صارفین کے لیے متعارف
4 گھنٹے پہلے
گوگل کی نئی اے آئی گیم جو شطرنج کھیلنے والوں کو ضرور پسند آئے گی
01 دسمبر ، 2024
اسپوٹیفائی نے کِن صارفین کے موسیقی چلانے پر پابندی لگا دی؟
30 نومبر ، 2024
ایلون مسک کا گیمنگ کی دنیا میں قدم رکھنے کا اعلان
29 نومبر ، 2024
گوگل کا میپس کی لوکیشن ہسٹری کو ڈیلیٹ کرنے کا فیصلہ
28 نومبر ، 2024
