06 نومبر ، 2024 
واٹس ایپ میں ریورس امیج سرچ فیچر کا اضافہ
06 نومبر ، 2024
واٹس ایپ میں ایک نئے فیچر ریورس امیج سرچ پر کام کیا جا رہا ہے۔
یہ فیچر آپ کو کسی تصویر کی حقیقت فوری طور پر جاننے کے لیے آن لائن سرچ کی سہولت فراہم کرے گا۔
یعنی اگر آپ کو کسی دوست سے تصویر موصول ہوئی ہے تو اس کے مستند ہونے کے بارے میں جاننے کے لیے یہ فیچر مددگار ثابت ہوگا۔
یہ فیچر ابھی اینڈرائیڈ ڈیوائسز کے لیے واٹس ایپ کے بیٹا (beta) ورژن میں سامنے آیا ہے۔
فیچر کو استعمال کرنے کا طریقہ بہت آسان ہے۔
جب کوئی تصویر آپ کو موصول ہوگی تو اس پر کلک کریں اور پھر اوپر دائیں جانب تھری ڈاٹ مینیو میں نئے سرچ آن ویب کے آپشن کا انتخاب کریں۔
ایسا کرنے پر وہ تصویر گوگل پر اپ لوڈ ہو جائے گی اور سرچ انجن اس سے ملتی جلتی تصاویر کو پیش کرے گا۔
اس سے آپ کو یہ اندازہ لگانے میں مدد ملے گی کہ یہ تصویر کتنی قابل اعتبار ہے۔
ویسے یہ عمل آپ پہلے بھی تصویر کو ڈیوائس میں ڈاؤن لوڈ کرنے کے بعد گوگل امیج سرچ پر اپ لوڈ کرکے کرسکتے تھے مگر واٹس ایپ کی جانب سے ریورس امیج سرچ کو اس فیچر کی مدد سے زیادہ آسان بنایا جا رہا ہے۔
جیسا اوپر درج کیا جاچکا ہے کہ یہ فیچر ابھی بیٹا ورژن میں سامنے آیا ہے تو ابھی یہ کہنا مشکل ہے کہ اسے کب تک تمام صارفین کے لیے متعارف کرایا جا سکتا ہے۔
مزید خبریں :
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
انسٹا گرام میں ایک بہت بڑی تبدیلی کر دی گئی
19 نومبر ، 2024
