10 نومبر ، 2024 
گوگل سرچ میں ایک بہترین اے آئی فیچر صارفین کیلئے متعارف
10 نومبر ، 2024
اس وقت جب اوپن اے آئی کی جانب سے سرچ انجن مارکیٹ میں چیٹ جی پی ٹی سرچ کے ذریعے قدم رکھا جا رہا ہے، وہاں دوسری جانب گوگل سرچ انجن کی بالادستی کو برقرار رکھنے کے لیے آرٹی فیشل انٹیلی جنس (اے آئی) ٹیکنالوجی کے استعمال کو بڑھایا جا رہا ہے۔
اس مقصد کے لیے گوگل سرچ میں رئیل ٹائم وائس ٹو سرچ فیچر کا اضافہ کیا جا رہا ہے۔
ایک رپورٹ میں بتایا گیا کہ گوگل کی جانب سے ایک نئے فیچر کی آزمائش کی جا رہی ہے۔
اس فیچر کے ذریعے صارفین گوگل موبائل ایپ میں گوگل سرچ سے بات چیت کرسکیں گے۔
رپورٹ کے مطابق صارف کو اپنے موبائل پر بول کر ایک سوال گوگل سرچ کو فراہم کرنا ہوگا اور کمپنی کی جانب سے اس کے جواب میں سرچ رزلٹس فراہم کیے جائیں گے۔
اس کے بعد آپ سرچ رزلٹس کے حوالے سے مزید سوالات پوچھ سکتے ہیں اور گوگل سرچ کی جانب سے رئیل ٹائم میں اپ ڈیٹس فراہم کی جائیں گی۔
خیال رہے کہ گوگل میں پہلے ہی وائس ٹو سرچ کا آپشن موجود ہے مگر ابھی آپ کسی موضوع پر صرف ایک بار ہی سرچ کرسکتے ہیں۔
مزید سوالات پوچھنے کے لیے وہ پورا عمل دوبارہ دہرانا پڑتا ہے۔
اس نئی اپ ڈیٹ کے بعد وائس ٹو سرچ میں ایک ہی موضوع کے بارے میں متعدد بار سرچ کرنا ممکن ہو جائے گا۔
صارفین کے سوالات پر گوگل کی جانب سے مسلسل سرچ لنکس اور اے آئی پر مبنی سمریز صارفین کے سامنے پیش کیے جائیں گے۔
یہ فیچر ابھی گوگل ایپ میں محدود صارفین کو دستیاب ہے اور ابھی واضح نہیں کہ اسے کب تک تمام صارفین کے لیے متعارف کرایا جاسکتا ہے۔
مزید خبریں :
یوٹیوب میں ایسی تبدیلی جو ویڈیوز دیکھنے کے تجربے کو بدل دے گی
12 نومبر ، 2024
جی میل میں بہترین فیچر صارفین کے لیے متعارف
12 نومبر ، 2024
جاپانی سائنسدان لچکدار سولر سیلز تیار کرنے میں کامیاب
11 نومبر ، 2024
گوگل میپس کا ایسا نیا فیچر جو آپ کو ضرور پسند آئے گا
10 نومبر ، 2024
مائیکرو سافٹ نوٹ پیڈ میں اے آئی فیچر کا اضافہ
08 نومبر ، 2024
وہ اسمارٹ فون جو ابھی دنیا میں سب سے زیادہ فروخت ہو رہا ہے
08 نومبر ، 2024
کینیڈا کا ٹک ٹاک کو اپنی سرزمین پر بزنس آپریشنز بند کرنیکا حکم
07 نومبر ، 2024
