12 نومبر ، 2024 
کھیل
اکتوبر کے پلیئر آف دی منتھ ایوارڈ کیلئے نعمان علی نے کاگیسو رباڈا اور میچل سینٹنر کو پیچھے چھوڑ__فوٹو: فائل
نعمان علی نے افریقی اور کیوی کھلاڑی کو پیچھے چھوڑ دیا، آئی سی سی پلیئر آف دی منتھ قرار
12 نومبر ، 2024
پاکستان کے اسپنر نعمان علی کو اکتوبر کا آئی سی سی پلیئر آف دی منتھ قرار دے دیا گیا۔
نعمان علی نے انگلینڈ کے خلاف ٹیسٹ سیریز کی جیت میں اہم کردار ادا کیا تھا۔ انہوں نے سیریز میں 13.85 کی اوسط سے 20 وکٹیں لی تھیں۔
اس حوالے سے نعمان علی کا کہنا ہے کہ آئی سی سی پلیئر آف دی منتھ کا ایوارڈ ایک اعزاز ہے۔
انہوں نے کہا کہ تاریخی پرفارمنس کے لیے سپورٹ کرنے پر ٹیم کے ساتھیوں کا بھی شکریہ ادا کرتا ہوں۔
واضح رہے کہ آئی سی سی نے اکتوبر کے پلیئر آف دی منتھ کے ایوارڈ کے لیے نعمان علی، جنوبی افریقا کے کاگیسو ربادا اور نیوزی لینڈ کے مچل سینٹنر کو نامزد کیا تھا۔
