21 نومبر ، 2024 
تصاویر: دنیا کی بہترین عمارت کا ٹائٹل آسٹریلیا کے اسکول نے اپنے نام کرلیا
21 نومبر ، 2024
آسٹریلیا کے اسکول نے دنیا کی بہترین عمارت کا اعزاز اپنے نام کرلیا۔
غیر ملکی میڈیا کے مطابق آسٹریلیا کے شہر سڈنی کے مضافاتی علاقے چیپینڈیل میں قائم ڈارلنگٹن پبلک اسکول نے خوبصورتی میں تمام فلک بوس عمارتوں کو پیچھے چھوڑ دیا۔
میڈیا رپورٹس کے مطابق سنگاپور میں ’ورلڈ آرکیٹیکچر فیسٹیول' کا انعقاد کیا گیا جہاں 220 خوبصورت اور بلند و بالا عمارتوں میں سے چیپینڈیل کے اسکول نے ’ورلڈ بلڈنگ آف 2024' کا ٹائٹل جیتا۔
میڈیا رپورٹس میں بتایا گیا ہے کہ اسکول کی یہ عمارت اپنی خوبصورتی کی وجہ سے 2013 میں بھی 'آکلینڈ آرٹ گیلری توئی او تماکی' میں پہلا اعزاز حاصل کرچکی ہے۔
عمارت کی خاصیت
میڈیا رپورٹس کے مطابق یہ ایک پرانی عمارت تھی، جسے سڈنی کے آرکیٹیک نے اپنی مہارت سے پرکشش بنایا ہے، اس بلڈنگ کی ایک مخصوص 'ساؤ ٹوتھ' چھت ہے جبکہ اسکول میں بچوں کے کھیلنے کے لیے ایک بڑا باسکٹ بال کورٹ اور ایک کمیونٹی گارڈن بھی ہے۔
میڈیا رپورٹس کے مطابق ’ورلڈ آرکیٹیکچر فیسٹیول' 18 مختلف کیٹیگریز پر مشتمل تھا جس میں سنگاپور میں بزرگ شہریوں کے لیے بنائے گئے ایک ہاؤسنگ کمپلیکس اور ڈنمارک کے دارالحکومت کوپن ہیگن میں ایک چھت پر بنائے گئے ویسٹ ٹو انرجی پاور پلانٹ کی عمارت کے ڈیزائن کو بھی سراہا گیا۔
مزید خبریں :
دنیا کی طویل القامت اور پست قد خاتون کی پہلی بار ملاقات
21 نومبر ، 2024
چینی کمپنی کا ملازمین کیلئے انوکھے بونس کا اعلان
22 نومبر ، 2024
ویڈیو: کراچی کے علاقے گارڈن میں بندر مکان کی چھت پر چڑھ گیا
20 نومبر ، 2024
دبئی میں چوبیس قیراط سونے کی الیکٹرک کار قرعہ اندازی کے لیے پیش
19 نومبر ، 2024
