29 نومبر ، 2024 
اسٹاک ایکسچینج میں ایک اور ریکارڈ ساز دن، 100 انڈیکس میں 1274 پوائنٹس کا اضافہ
29 نومبر ، 2024
کراچی: پاکستان اسٹاک ایکسچینج میں کاروبار کا ایک اور ریکارڈ ساز دن رہا جہاں 100 انڈیکس 1274 پوائنٹس اضافے سے ایک لاکھ ایک ہزار 357 پوائنٹس پر بند ہوا۔
آج کاروباری دن میں 100 انڈیکس 1673 پوائنٹس کے بینڈ میں رہا اور 100 انڈیکس نے آج نئی بلند ترین سطح ایک لاکھ ایک ہزار 496 پوائنٹس بنائی۔
بازار میں آج 91 کروڑ شیئرز کے سودے 35.97 ارب روپے میں طے ہوئے جبکہ مارکیٹ کیپٹلائزیشن 168 ارب روپے اضافے سے 12 ہزار 885 ارب روپے ہے۔
خیال رہے کہ نومبر 2024 میں پاکستان اسٹا ک ایکسچینج کے 100 انڈیکس میں 12 ہزار 390 پوائنٹس کا اضافہ ہوا ہے اور اس دوران 100 انڈیکس 12 ہزار 643 پوائنٹس کے بینڈ میں رہا۔
نومبر میں 100 انڈیکس کی بلند ترین سطح ایک لاکھ ایک ہزار 496 جبکہ کم ترین سطح 88 ہزار 852 پوائنٹس رہی۔
نومبر کے مہینے میں بازار میں 18.37 ارب شیئرز کے سودے 690 ارب روپے میں طے ہوئے جبکہ مارکیٹ کیپٹلائزیشن میں ایک ہزار 348 ارب روپے کا اضافہ ہوا۔
مزید خبریں :
روپے کے مقابلے ڈالر کی قدر میں معمولی اضافہ
5 گھنٹے پہلے
یکم دسمبر سے پیٹرول اور ڈیزل کی قیمت میں اضافے کا امکان
29 نومبر ، 2024
ملکی زرمبادلہ کے ذخائر میں اضافہ ہوگیا
28 نومبر ، 2024
سونے کی قیمت میں کمی، فی تولہ کتنے کا ہوگیا؟
28 نومبر ، 2024
اقتصادی رابطہ کمیٹی کے اہم فیصلوں پر عملدرآمد نہ ہونے کا انکشاف
28 نومبر ، 2024
انٹربینک میں ڈالر مہنگا ہوگیا
27 نومبر ، 2024
