01 دسمبر ، 2024 
ڈاکٹروں کی غفلت، آپریشن کے دوران خاتون کے پیٹ میں قینچی بھول گئے
01 دسمبر ، 2024
بھارت میں ڈاکٹروں کی غفلت کا ایک اور واقعہ سامنے آیا ہے جہاں آپریشن کے دوران قینچی خاتون کے پیٹ میں رہ گئی۔
بھارتی میڈیا کی رپورٹ کے مطابق جمعہ کو ریاست مدھیہ پردیش کے ضلع بھنڈ میں پیٹ میں شدید تکلیف کی شکایت کرنے والی خاتون کے سی ٹی اسکین میں اس کے پیٹ میں قینچی پائی گئی۔
رپورٹ میں بتایا گیا ہے کہ 44 سالہ کملابائی نے 2 سال قبل گوالیار کے ایک اسپتال میں معدے کی سرجری کروائی تھی۔ اس کے بعد سے وہ مسلسل پیٹ کے شدید درد کی شکایت کر رہی تھیں۔ جس کے لیے انہوں نے کئی ادویات بھی لیں لیکن درد ہر دن گرنے کے ساتھ بڑھتا گیا۔
تاہم گزشتہ دنوں ڈاکٹروں نے کملا بائی کے پیٹ کا سی ٹی اسکین کروانے کا مشورہ دیا۔
سی ٹی اسکین کی رپورٹ نے طبی عملے سمیت سب کو حیرت میں ڈال دیا کیونکہ اس میں خاتون کے پیٹ میں ایک قینچی پائی گئی۔
شبہ ہے کہ 2 سال قبل کی گئی سرجری کے دوران ڈاکٹروں نے غلطی سے قینچی اندر چھوڑ دی اور پیٹ کے ٹانکے لگا دیے۔
کملابائی کے اہل خانہ نے غفلت برتنے والے ڈاکٹروں کے خلاف سخت کارروائی کا مطالبہ کیا ہے۔
ضلعی اسپتال کے حکام نے کہا ہے کہ وہ اس معاملے کی مکمل رپورٹ تیار کریں گے اور اسے اعلیٰ حکام کو بھیجیں گےجبکہ خاتون کی سرجری کرکے قینچی نکالی جائے گی۔
مزید خبریں :
غزہ میں قحط کا خطرہ بڑھ رہا ہے: اقوام متحدہ نے خبردار کردیا
29 نومبر ، 2024
چین میں سونے کا سب سے بڑا ذخیرہ دریافت
29 نومبر ، 2024
مالی حالات سے تنگ والدین نے اپنی 4 سالہ بیٹی کو بیچ دیا
29 نومبر ، 2024
