13 دسمبر ، 2024 
سوات میں بغیر مٹی اور ہوا کے ذریعے پودے اُگانے کا کامیاب تجربہ
13 دسمبر ، 2024
زرعی تحقیقاتی مرکز سوات نے ایروپونکس ٹیکنالوجی کے ذریعے پودے اگانے کا کامیاب تجربہ کیا ہے جس کے ذریعے پلاسٹک کے پائپس اور بالٹی میں پودے اگائے جا سکتے ہیں۔
زرعی ماہرین کے مطابق ایروپونکس ٹیکنالوجی کے ذریعے پودوں کی جڑیں مٹی میں نہیں بلکہ ہوا میں معلق رہتی ہیں، ان جڑوں پر غذائی اجزاکا اسپرے کیا جاتا ہے جس سے پودے تیزی سے بڑھتے ہیں جبکہ پانی کا استعمال کم سے کم ہوتا ہے۔
آج کل اگر ہم دیکھیں تو زمین کم ہو رہی ہے لہٰذا اب ہم آسانی کے ساتھ بالکونی میں اور چھت کے اوپر سسٹم انسٹال کرسکتے ہیں اور اس کی سبزیاں بھی روزانہ کیلئے استعمال کرسکتے ہیں۔
زرعی ماہرین کے مطابق ایروپونک ایسی ٹیکنالوجی ہے جس میں سائیل کا استعمال نہیں ہوتا، اس ٹیکنالوجی میں پودوں کی جڑیں زیادہ آکسیجن حاصل کرتی ہیں، جس سے وہ زیادہ تیزی سے بڑھتے ہیں اورکسانوں کو کم وقت میں زیادہ پیداوار حاصل ہوتی ہے۔
دوسری جانب زرعی یو نیورسٹی سوات کی ایگری کلچر اسٹوڈنٹ نے بتایا کہ اس ٹیکنالوجی کے ذریعے اگائے گئے پودوں میں سائیل کی ضرورت نہیں ہو تی، اس میں پانی ضائع نہیں ہوتا، اور پودوں کو ورٹیکل اگایا جاتا ہے۔
مزید خبریں :
میٹا نے تھریڈز میں اشتہارات دکھانے کا سلسلہ شروع کر دیا
27 جنوری ، 2025
ایپل کے سستے ترین آئی فون کی پہلی جھلک سامنے آگئی
27 جنوری ، 2025
چینی کمپنی کا اے آئی ماڈل دنیا بھر کی توجہ کا مرکز کیوں بن گیا؟
27 جنوری ، 2025
