20 دسمبر ، 2024 
کھیل
فوٹو: مارٹمین فائل
جنوبی افریقا کا اہم فاسٹ بولر انجری کے باعث پاکستان کیخلاف تیسرے ون ڈے سے باہر
20 دسمبر ، 2024
جنوبی افریقا کے فاسٹ بولر اوٹنیل بارٹمین انجری کے باعث پاکستان کے خلاف تیسرے ون ڈے سے باہر ہوگئے۔
جنوبی افریقی کرکٹ کے مطابق اوٹنیل بارٹمین کو دائیں ٹخنے میں انجری ہوئی تھی، وہ پاکستان کے خلاف سیریز کے پہلے ون ڈے میں شامل تھے۔
دوسرے ون ڈے کیلئے بارٹمین کو جنوبی افریقی ٹیم میں شامل نہیں کیا گیا تھا اور اب وہ انجری کی وجہ سے سیریز کے آخری میچ سے بھی باہر ہوگئے۔
کاربن بوش کو اوٹنیل بارٹمین کی جگہ جنوبی افریقی اسکواڈ میں شامل کرلیا گیا ہے۔
واضح رہے کہ پاکستان اور جنوبی افریقا کے درمیان سیریز کا آخری ون ڈے اتوار کو کھیلا جائے گا۔ پاکستان کو سیریز میں 0-2 کی فیصلہ کن برتری حاصل ہے۔
مزید خبریں :
بابر اعظم نے دھونی کا اہم ریکارڈ توڑ دیا
9 گھنٹے پہلے
