27 جنوری ، 2025 
میٹا نے تھریڈز میں اشتہارات دکھانے کا سلسلہ شروع کر دیا
27 جنوری ، 2025
میٹا کی ایکس (ٹوئٹر) کے مقابلے پر متعارف کرائی گئی ایپ تھریڈز کو ڈیڑھ سال سے زائد عرصہ ہوگیا ہے۔
اب تک تھریڈز میں اشتہارات کو نہیں دکھایا جا رہا تھا یا یوں کہہ لیں کہ یہ سروس اشتہارات سے پاک تھی۔
مگر اب کمپنی نے اسے بدلنے کا اعلان کیا ہے۔
میٹا کی جانب سے تھریڈز میں اشتہارات دکھانے کے تجربے کی آزمائش شروع کی جا رہی ہے۔
انسٹا گرام کے سربراہ ایڈم موسیری نے اس کی تصدیق کی۔
یہ اشتہارات تصویری پوسٹس کی شکل میں صارفین کی فیڈز میں نظر آئیں گے۔
ایڈم موسیری کے مطابق ابھی امریکا اور جاپان میں اشتہارات محدود صارفین کو دکھائے جا رہے ہیں۔
انہوں نے بتایا کہ ہم اس بات کو یقینی بنائیں گے کہ یہ اشتہارات تھریڈز پوسٹ کی طرح محسوس ہوں اور صارفین کی دلچسپی کے مطابق ہوں۔
ان کا کہنا تھا کہ ہم اس آزمائش کا قریب سے جائزہ لیں گے اور پھر اسے بڑے پیمانے پر متعارف کرایا جائے گا۔
خیال رہے کہ تھریڈز کے صارفین کی تعداد 30 کروڑ سے زائد ہے۔
مزید خبریں :
ایپل کے سستے ترین آئی فون کی پہلی جھلک سامنے آگئی
27 جنوری ، 2025
چینی کمپنی کا اے آئی ماڈل دنیا بھر کی توجہ کا مرکز کیوں بن گیا؟
27 جنوری ، 2025
واٹس ایپ میں صارفین کے لیے بہترین کارآمد فیچر کا اضافہ
26 جنوری ، 2025
اوپن اے آئی نے اپنا پہلا اے آئی ایجنٹ متعارف کرا دیا
24 جنوری ، 2025
یوٹیوب صارفین کے لیے متعدد نئے فیچرز متعارف
24 جنوری ، 2025
