28 جنوری ، 2025 
بھارت میں 20 سے زائد ڈیجیٹل نیوز اداروں نے اوپن اے آئی کیخلاف مقدمہ دائر کر دیا
28 جنوری ، 2025
بھارت میں 20 سے زائد ڈیجیٹل نیوز اداروں نے مصنوعی ذہانت کی کمپنی اوپن اے آئی کے خلاف مقدمہ دائر کر دیا۔
خبر ایجنسی کے مطابق اوپن اے آئی پر جان بوجھ کر کاپی رائٹ مواد استعمال کرنے کا الزام لگایا گیا ہے، 135 صفحات پر مبنی مقدمے میں کہا گیا ہے کہ اوپن اےآئی کا طرزعمل ڈیجیٹل نیوز پبلشرز ایسوسی ایشن، دیگر آؤٹ لیٹس کے قیمتی کاپی رائٹس کے لیے واضح خطرہ ہے۔
اوپن اے آئی نے دیگر ممالک کے میڈیا اداروں سے شراکت داری معاہدے کیے لیکن بھارتی نیوز اداروں کے ساتھ ایسا کوئی معاہدہ نہیں کیا۔
ڈیجیٹل نیوز اداروں میں بھارتی ارب پتی شخصیات گوتم اڈانی، مکیش امبانی کے ڈیجیٹل نیوز گروپ، انڈین ایکسپریس اور ہندوستان ٹائمز شامل ہیں۔
بھارتی نیوز ایجنسی اے این آئی نے گزشتہ برس سب سے پہلے اوپن اے آئی کے خلاف مقدمہ کیا تھا۔
اوپن اے آئی کمپنی کا کہنا ہے کہ کمپنی بیرون ملک سے کام کرتی ہے اس لیے کمپنی کے خلاف مقدمے کی سماعت بھارتی عدالت کے دائرہ اختیار میں نہیں آتی۔
کمپنی نے اپنے مؤقف کا اعادہ بھی کیا کہ اے آئی ماڈلز کے لیے آن لائن عوامی مواد استعمال کیا جاتا ہے۔
واضح رہے کہ دنیا کی دیگر عدالتوں میں بھی کئی نیوز اداروں، مصنفوں اور موسیقاروں نے اوپن اے آئی کمپنی کے خلاف اپنا کاپی رائٹ کام بغیر اجازت استعمال کرنے کے مقدمات کر رکھے ہیں۔
مزید خبریں :
میٹا نے تھریڈز میں اشتہارات دکھانے کا سلسلہ شروع کر دیا
27 جنوری ، 2025
ایپل کے سستے ترین آئی فون کی پہلی جھلک سامنے آگئی
27 جنوری ، 2025
چینی کمپنی کا اے آئی ماڈل دنیا بھر کی توجہ کا مرکز کیوں بن گیا؟
27 جنوری ، 2025
واٹس ایپ میں صارفین کے لیے بہترین کارآمد فیچر کا اضافہ
26 جنوری ، 2025
