30 جنوری ، 2025 
نوجوان کی محبت میں پاکستان آئی امریکی خاتون اب کہاں ہے؟
30 جنوری ، 2025
کراچی: پاکستانی نوجوان کی محبت میں کراچی آنے والی امریکی خاتون گارڈن میں واقع اپارٹمنٹ سے روانہ ہوگئی۔
پولیس کے مطابق خاتون کا کہنا ہے کہ رات سے بیٹھی ہوئی ہوں، اب آرام کرنا چاہتی ہوں۔
پولیس کا بتانا ہے کہ امریکی خاتون گارڈن میں واقع اپارٹمنٹ سے گیسٹ ہاؤس روانہ ہوگئی ہے۔
واقعے کا پس منظر
اونیجا اینڈریو رابنس نامی خاتون کو کراچی کے علاقے گارڈن کے رہائشی 19 سالہ ندال احمد میمن سے سوشل میڈیا کے ذریعے محبت ہوئی تھی جس کے بعد 2 بچوں کی ماں 11 اکتوبر کو کراچی پہنچی تھی، پاکستانی نوجوان نے امریکی خاتون سے شادی کے لیے راضی تھا تاہم گھر والوں نے شادی سے انکار کردیا۔
خاتون کئی ماہ کراچی میں دربدر رہی، وزٹ ویزے کی مدت ختم ہونے کے بعد اے ایس ایف نے امریکی خاتون کو ائیر پورٹ پولیس کے حوالے کر دیا تھا۔
ایک این جی او نے خاتون کی امریکا واپسی کے لیے ٹکٹ بھی دیا اور مالی مدد بھی کی تھی تاہم اس نے واپسی سے انکار کردیا اور نوجوان کے گھر پہنچ کر بلڈنگ میں ڈیرے ڈال لیے۔
امریکی خاتون نے حکومت سے مطالبہ کیا کہ اسے پاکستانی شہریت اور ہر ہفتے 3 ہزار امریکی ڈالر دیے جائیں۔
