01 فروری ، 2025 
پاکستان
برن یونٹ حکام کے مطابق اب بھی 22 مریض زیر علاج ہیں جن میں سے بعض کی حالت تشویش ناک ہے،فوٹو: فائل
ملتان: ایل پی جی باؤزر دھماکےکے مزید3 زخمی دم توڑگئے، جاں بحق افرادکی تعداد 16 ہوگئی
01 فروری ، 2025
ملتان میں گیس باؤزر دھماکے کے مزید 3 زخمی دم توڑ گئے جس کے بعد افسوس ناک واقعے میں ہلاکتوں کی تعداد 16 ہوگئی ہے۔
ملتان کے نشتر اسپتال کے برن یونٹ میں زیر علاج گیس باؤزر دھماکےکے مزید تین زخمی چل بسے، جس کے بعد حادثے میں جاں بحق افراد کی تعداد 16 ہو گئی ہے۔
جاں بحق ہونے والوں میں 50 سالہ خادم، 35 سالہ اعظم اور ذوالفقار شامل ہیں۔
یاد رہےکہ 6 روز قبل ملتان کے علاقے شیرشاہ روڈ پر حامد پور کنورہ میں گیس سے بھرے باوزر میں دھماکا ہوا تھا، جس میں 10 افراد موقع پر جاں بحق اور 39 زخمی ہو گئے تھے۔
برن یونٹ حکام کے مطابق اب بھی 22 مریض زیر علاج ہیں جن میں سے بعض کی حالت تشویش ناک ہے۔
