03 فروری ، 2025 
پاکستان
مظفر گڑھ: خاتون نے بھائیوں پر ہزاروں روپے مالیت کا گوبر چوری کرنے کا مقدمہ درج کرادیا
03 فروری ، 2025
ضلع مظفرگڑھ کے قصبے رنگپورمیں خاتون نے بھینسوں کا گوبر چوری ہونے پرمقدمہ درج کرادیا۔
پولیس کے مطابق مقدمہ خاتون کے دو بھائیوں سمیت 7 افراد کے خلاف درج کیا گیا ہے۔
خاتون نے الزام عائد کیا ہے کہ ملزمان نے 35 ہزار روپے کا گوبر چوری کیا ہے۔
پولیس کا کہنا ہے کہ مقدمے میں نامزد ایک ملزم کو گرفتار کرلیا گیا ہے جبکہ دیگر کی تلاش جاری ہے۔
پولیس کے مطابق چوری شدہ گوبر بھی برآمد کر لیا گیا ہے۔
