03 فروری ، 2025 
آئی ایس پی آر نے یومِ یکجہتی کشمیر کی مناسبت سے نیا نغمہ جاری کردیا
03 فروری ، 2025
پاک فوج کے شعبہ تعلقات عامہ (آئی ایس پی آر) نے 5 فروری کو یومِ یکجہتی کشمیر کی مناسبت سے نیا نغمہ جاری کردیا۔
یومِ یکجہتی کشمیر پر جاری کیا گیا نغمہ معروف گلوکار احمد جہانزیب نے گایا ہے جبکہ اس کے بول عمران رضا نے لکھے ہیں۔
نغمے کا آغاز مرحوم کشمیری رہنما سید علی گیلانی شہیدکی ایک تقریر سے کیا گیا ہے جس میں وہ مجمع سے خطاب کرتے ہوئےکہہ رہے ہیں اسلام کے تعلق سے ہی اور اسلام کی محبت سے ہی ہم پاکستانی ہیں، پاکستان ہمارا ہے۔
نغمے میں مقبوضہ جموں و کشمیر میں قابض بھارتی فوج کے مظالم اور کشمیریوں کے احتجاج کے مناظر شامل ہیں۔
نغمے کی ویڈیو میں کشمیری حریت پسند نوجوان برہان وانی شہید اور دیگر شہدا کے جنازے بھی دکھائے گئے ہیں۔
خیال رہے کہ وفاقی حکومت نے 5 فروری کو یوم یکجہتی کشمیر پر عام تعطیل کا اعلان کیا ہے اور کابینہ ڈویژن نے اس حوالے سے نوٹیفکیشن بھی جاری کر دیا ہے۔
نوٹیفکیشن میں کہا گیا ہے کہ کشمیری شہدا کے لیے 5 فروری کو صبح 10 بجے ایک منٹ کی خاموشی اختیارکی جائے گی۔
