09 فروری ، 2025 
جب آپ ہار جائیں تو وہ ایک مشکل دن ہوتا ہے، کپتان قومی ٹیم
09 فروری ، 2025
لاہور: قومی ٹیم کے کپتان محمد رضوان نے نیوزی لینڈ سے شکست کے بعد کہا کہ جب آپ ہار جائیں تو وہ ایک مشکل دن ہوتا ہے۔
لاہور میں ہونے والے ٹرائی نیشن سیریز کے پہلے میچ میں نیوزی لینڈ سے شکست کے بعد گفتگو کرتے ہوئے کپتان محمد رضوان نے کہا کہ جب آپ ہار جائیں تو وہ ایک مشکل دن ہوتا ہے۔
انہوں نے کہا پچ شروع میں تھوڑی مشکل تھی ، لیکن ولیم سن اور مچل نے اچھی کارکردگی کا مظاہرہ کیا اور پھر فلپس نے جس طرح سے بلے بازی کی اُسے الفاظ میں بیان نہیں کرسکتے۔
اس موقع پر نیوزی لینڈ کے کپتان مچل سینٹنر کا کہنا تھا کہ وہ ایک مرحلے میں 280 یا 300 کی طرف دیکھ رہے تھے، لیکن گلین فلپس کی بیٹنگ نے فرق ڈال دیا ۔
کیوی کپتان نے مزید کہا کہ اب ہماری نظریں کراچی کی طرف ہیں۔
یاد رہے گزششتہ روز ٹرائی نیشن سیریز کے پہلے میچ میں نیوزی لینڈ نے میزبان پاکستان کو 78 رنز سے شکست دے دی تھی۔
