11 فروری ، 2025 
ایلون مسک نے اوپن اے آئی کو خریدنےکیلئے اربوں ڈالر کی بولی لگا دی
11 فروری ، 2025
ٹیسلا اور اسپیس ایکس کے مالک ایلون مسک نے چیٹ جی پی ٹی بنانے والی کمپنی اوپن اے آئی کو خریدنےکیلئے بولی لگا دی۔
امریکی اخبار وال اسٹریٹ جرنل نے اپنی رپورٹ میں کہا ہے کہ ٹیسلا کے بانی ایلون مسک کی جانب سے معروف کمپنی اوپن اے آئی کو خریدنےکے لیے 97.4 ارب ڈالر کی بولی لگائی گئی ہے۔
رپورٹ کے مطابق ایلون مسک کے وکیل نے یہ پیشکش اوپن اے آئی کے بورڈ آف ڈائریکٹرز کو جمع کرائی ہے۔
تاہم اوپن اے آئی کے سی ای او سام آلٹمین نے اس پیشکش کو مسترد کر دیا اور طنزیہ انداز میں ایکس(سابقہ ٹوئٹر) پر لکھا کہ ' پیشکش کا شکریہ، ہم اوپن اے آئی نہیں بیچ رہے، لیکن اگر آپ چاہیں تو ہم ٹوئٹر کو 9.74 ارب ڈالر میں خریدنے کے لیے تیار ہیں'۔
واضح رہے کہ ایلون مسک کا اوپن اے آئی کے سربراہ سام آلٹمین سے تنازع چل رہا ہے۔مسک اوپن اےآئی اورسام آلٹمین کے خلاف مقدمات بھی دائر کر چکے ہیں۔
ایلون مسک نے 2015 میں سام آلٹمین اور گریگ بروک مین کے ساتھ مل کر اوپن اے آئی کی بنیاد رکھی تھی۔مگر 2018 میں ایلون مسک نے اوپن اے آئی سے یہ کہہ کر علیحدگی اختیار کرلی تھی کہ اے آئی ٹیکنالوجی جوہری ہتھیاروں سے زیادہ خطرناک ثابت ہو سکتی ہے۔
بعد ازاں ایلون مسک نے 2023 میں اپنی اے آئی کمپنی "xAI" کی بنیاد رکھی، جو مصنوعی ذہانت کی دنیا میں ایک بڑا نام بنانے کی کوشش کر رہی ہے۔
مزید خبریں :
مارک زکربرگ دنیا کے دوسرے امیر ترین شخص بن گئے
10 فروری ، 2025
گوگل سرچ میں اے آئی موڈ کا اضافہ کس کام آئے گا؟
09 فروری ، 2025
سائنسدانوں نے بلیک ہول کا ایک دلچسپ اسرار جان لیا
09 فروری ، 2025
