14 فروری ، 2025 
کراچی کا نوجوان مصطفیٰ اغوا ہوا یا قتل؟ پولیس کو ملزم کے گھر سے اہم شواہد مل گئے
14 فروری ، 2025
کراچی کا نوجوان مصطفیٰ اغوا ہوا یا قتل؟ اس سوال کا جواب جاننے کیلئے ڈیفنس فیز 5 میں واقع ملزم ارمغان کے گھر پر پولیس نے کارروائی کی، تلاشی کے دوران پولیس کو اہم شواہد ملے ہیں۔
ارمغان، وہ ملزم جس پر پہلے مصطفیٰ نامی نوجوان کے اغوا کا الزام لگا، تصدیق کیلئے پولیس گزشتہ ہفتے ملزم کے گھر پہنچی تو اس نے فائرنگ کردی جس سے ڈی ایس پی اور ایک پولیس اہلکار زخمی ہوگئے تھے۔
گرفتاری کے بعد ملزم ارمغان سے تفتیش ہوئی تو اس نے مصطفیٰ کو قتل کرکے لاش ملیر ندی میں پھینکنے کا انکشاف کیا مگر مصطفیٰ کی لاش نہیں مل سکی۔
دوسری طرف ملزم اپنے ابتدائی بیان سے بھی مکر گیا ہے۔ واقعہ سے متعلق پولیس کی تفتیش جاری ہے، اس دوران تفتیش کاروں کو چند اہم شواہد ملے ہیں۔
تازہ صورتحال یہ ہے کہ ملزم کے گھر کی تلاشی کے دوران پولیس کو ایک خفیہ کمرا ملا جس میں گولیوں کے نشانات تھے جبکہ قالین پر گولیوں کے نشانات کے علاوہ خون کے دھبے بھی پائے گئے،مغوی مصطفیٰ کی والدہ کے نمونے بھی لیے گئے ،خون کے نمونے ڈی این اے ٹیسٹ کےلیے بھیج دیے گئے۔
ملزم کے گھر سے بڑی تعداد میں کمپیوٹرز بھی برآمد ہوئے، جس سے پتا چلا کہ وہ غیر قانونی کال سینٹر بھی چلاتا ہے۔
اس سے قبل ملزم کے گھر سے بڑی تعداد میں ممنوعہ بور کا اسلحہ اور مغوی مصطفیٰ کا موبائل فون بھی مل چکا ہے۔
مزید خبریں :
صوابی میں باپ نے 4 بچوں کو ذبح کرکے خودکشی کرلی
13 فروری ، 2025
مظفر گڑھ: اینٹی ریپ ایکٹ کے تحت مزید 2 خواتین کے خلاف مقدمات درج
12 فروری ، 2025
