15 فروری ، 2025 
انگلینڈکے اہم بیٹر فٹ قرار، چیمپئنز ٹرافی میں حصہ لیں گے
15 فروری ، 2025
آئی سی سی چیمپئنز ٹرافی کے لیے انگلینڈکی کرکٹ ٹیم کے اہم بیٹر بین ڈکٹ فٹ قرار دے دیے گئے ہیں اور وہ چیمپئنز ٹرافی میں حصہ لیں گے۔
انگلش کرکٹ بورڈ کے مطابق بین ڈکٹ بھارت کےخلاف تیسرے ون ڈے میں انجری کا شکار ہوئے تھے، بین ڈکٹ کی گروئن انجری کا اسکین کرایا گیا تھا، اسکین کے بعد بین ڈکٹ کی دستیابی اور فٹنس کی تصدیق کی گئی ہے۔
خیال رہے کہ انگلینڈ کرکٹ ٹیم 18 فروری کوپاکستان پہنچےگی، انگلینڈ ٹیم 22 فروری کو آسٹریلیا کےخلاف چیمپئنز ٹرافی کا پہلامیچ لاہور میں کھیلےگی۔
انگلش کرکٹ ٹیم کے نوجوان آل راؤنڈر جیکب بیتھل انجری کی وجہ سے آئی سی سی چیمپئنز ٹرافی سے باہر ہوگئے ہیں، وہ بھارت کے خلاف ون ڈے سیریز کے دوران ہیمسٹرنگ انجری کا شکار ہوئے تھے، وہ چیمپئنز ٹرافی کے لیے انگلش ٹیم کا حصہ تھے۔
انگلینڈ نے جیکب بیتھل کی جگہ چیمپئنز ٹرافی اسکواڈ میں ٹام بینٹن کو شامل کرلیا ہے۔ دائیں ہاتھ کے بیٹر ٹام بینٹن نے آخری مرتبہ 2020 میں ون ڈے انٹرنیشنل میچ کھیلا تھا۔
