وہ 4 عادات جو چہرے کو کیل مہاسوں سے بھرنے کا باعث بنتی ہیں

چہرے پر کیل مہاسے کس کو اچھے لگتے ہیں؟

چہرے پر نکلنے والے یہ دانے یا دیگر نشانات اکثر افراد کے مزاج پر کتنے گراں گزرتے ہیں، اس کا اندازہ لگانا مشکل نہیں۔

کیل مہاسوں کا مسئلہ دنیا بھر میں سب سے عام جِلدی مرض ہے جو 11 سے 30 سال کی عمر کے لگ بھگ 70 سے 80 فیصد افراد کو نشانہ بناتا ہے۔

مگر سوال یہ ہے کہ کچھ افراد کے چہرے اس سے محفوظ کیسے رہتے ہیں اور کچھ لوگوں کو اس کا زیادہ سامنا کیوں ہوتا ہے؟

روزانہ کچھ دیر چیونگم چبانے کے بہترین فوائد جانیں

چیونگم چبانے سے درحقیقت صحت کو متعدد فوائد حاصل ہوتے ہیں۔

تو اس کی متعدد وجوہات ہوسکتی ہیں کئی بار تو ایسا موروثی یا جینز کی وجہ سے بھی ہوتا ہے، مگر لوگوں کی چند عام عادات بھی اس کا خطرہ بڑھاتی ہیں۔

چہرے کو صابن سے زیادہ دھونا

صابن میں ایسے کیمیکلز ہوتے ہیں جو کچھ چہروں کے لیے نقصان دہ ثابت ہوتے ہیں۔

ان کیمیکلز سے چہرے کی جِلد خشک ہوتی ہے جس سے کیل مہاسوں کا خطرہ بڑھتا ہے۔

ناکافی مقدار میں پانی پینا

جسم میں پانی کی کمی جِلد کی صحت کو متاثر کرتی ہے اور وہ خشک اور زرد نظر آنے لگتی ہے جبکہ کیل مہاسوں کا خطرہ بھی بڑھتا ہے۔

آخر موجودہ عہد میں بہت زیادہ جوان افراد کینسر کا شکار کیوں ہورہے ہیں؟

ہر گزرتے سال کے ساتھ کینسر کے کم عمر مریضوں کی تعداد میں اضافہ ہو رہا ہے

تو دن بھر میں مناسب مقدار میں پانی پینے کی کوشش کریں۔

میک اپ کے ساتھ سو جانا

اگر خواتین میک اپ کو صاف کیے بغیر سو جاتی ہیں تو اس سے چہرے کے مسام بند ہو سکتے ہیں جبکہ آئل بننے کی مقدار بڑھ جاتی ہے، جس سے کیل مہاسوں کا خطرہ بڑھتا ہے۔

مسلسل تھکاوٹ طاری رہتی ہے تو اس کی وجہ یہ امراض ہوسکتے ہیں

تھکاوٹ کا احساس ہر وقت برقرار رہتا ہے تو اس کا تجربہ دنیا بھر میں متعدد افراد کو ہوتا ہے۔

چہرے کو بہت زیادہ چھونا

بیشتر افراد اپنے چہرے کو گندے ہاتھوں کے ساتھ چھونے کے عادی ہوتے ہیں بلکہ مہاسے نکل آنے پر بھی ایسا کرتے ہیں۔

چہرے کو ہاتھوں سے چھونے سے جِلد پر چکنائی، گرد اور جراثیموں کی تعداد بڑھتی ہے جس سے کیل مہاسوں کا خطرہ بڑھتا ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔