محض 3 دن تک زیادہ پکوڑے یا سموسے کھانے کا یہ اثر جانتے ہیں؟

ماہ رمضان میں زیادہ چکنائی والی اشیا جیسے پکوڑوں اور سموسوں کا استعمال بڑھ جاتا ہے، اس سے ہٹ کر بھی عام دنوں میں جنک فوڈ کو زیادہ کھایا جاتا ہے۔

مگر کیا آپ کو معلوم ہے کہ محض 3 دن تک زیادہ چکنائی والی اشیا کے استعمال سے یادداشت متاثر ہوسکتی ہے۔

یہ انتباہ امریکا میں ہونے والی ایک طبی تحقیق میں سامنے آیا۔

اوہائیو اسٹیٹ یونیورسٹی کی تحقیق میں چوہوں پر تجربات کیے گئے تھے۔

اچھی صحت کیلئے روزانہ کتنے قدم چلنا ضروری ہے؟

ورزش نہ کرنے والے افراد اگر چہل قدمی کو معمول بنا لیں تو ان کی اوسط عمر میں لگ بھگ ڈھائی سال کا اضافہ ہو جاتا ہے۔

تحقیق کے دوران جوان اور بوڑھے چوہوں کو 3 دن یا 3 ماہ تک زیادہ چکنائی والی غذا کا استعمال کرایا گیا اور دیکھا گیا کہ اس سے دماغ پر کیا اثرات مرتب ہوتے ہیں۔

نتائج سے معلوم ہوا کہ زیادہ چکنائی والی غذاؤں کو 3 ماہ تک کھانے سے میٹابولک مسائل، معدے میں ورم اور معدے میں صحت کے لیے نقصان دہ بیکٹیریا کی تعداد میں اضافہ ہوتا ہے۔

البتہ 3 دن تک زیادہ چکنائی والی اشیا کے استعمال سے میٹابولزم یا معدے میں کوئی خاص تبدیلیاں نہیں آتیں۔

مگر جب دماغ کو دیکھا جائے تو محققین نے دریافت کیا کہ زیادہ چکنائی والی غذاؤں کا استعمال 3 ماہ تک کیا جائے یا 3 دن تک، اس سے یادداشت پر منفی اثرات ہوتے ہیں جبکہ دماغی ورم بھی بڑھتا ہے۔

ڈپریشن اور انزائٹی جیسے عام ترین امراض سے بچنا بہت آسان

جسمانی سرگرمیوں کو بڑھانے سے انزائٹی، ڈپریشن اور ڈیمینشیا جیسے دماغی امراض سے متاثر ہونے کا خطرہ گھٹ جاتا ہے۔

تحقیق سے اس خیال کی تردید ہوتی ہے کہ موٹاپے کے باعث دماغ میں ورم پھیلتا ہے۔

محققین کے مطابق ماضی میں زیادہ چکنائی والی غذاؤں کے استعمال سے موٹاپے پر مرتب اثرات پر زیادہ زور دیا گیا تھا جبکہ ناقص غذاؤں سے دماغ پر مرتب اثرات پر زیادہ توجہ مرکوز نہیں کی گئی۔

انہوں نے بتایا کہ ناقص غذا اور موٹاپا ایک دوسرے جڑے ہوتے ہیں مگر ایسا بھی نہیں کہ ان کو الگ کرنا ممکن نہیں ہوتا، ہم نے ثابت کیا ہے کہ 3 دن کے اندر یعنی موٹاپے کے شکار ہونے سے قبل ہی دماغی ورم بڑھتا ہے۔

انہوں نے مزید بتایا کہ ہم نے چوہوں کی یادداشت کے ٹیسٹ کیے جن کو معمر افراد میں یادداشت کی مسائل کو جانچنے کے لیے بھی استعمال کیا جاتا ہے اور دریافت ہوا کہ 3 دن یا 3 ماہ تک زیادہ چکنائی والی اشیا کے استعمال سے ہی یادداشت متاثر ہوسکتی ہے۔

اکثر افراد جو چیز روزانہ کھاتے ہیں وہ انہیں کینسر کا شکار بناسکتی ہے، تحقیق

معدے کا کینسر سرطان کی 5 ویں سب سے عام قسم ہے جبکہ اموات کے لحاظ سے یہ تیسرے نمبر پر موجود ہے۔

ان کا کہنا تھا کہ بوڑھے چوہوں کے دماغ پر یہ اثر زیادہ نمایاں ہوتا ہے جبکہ جوان چوہے کافی حد تک چکنائی والی غذاؤں سے یادداشت پر مرتب ہونے والے اثرات کے خلا مزاحمت کرتے ہیں۔

مگر محققین کے مطابق جوان چوہوں کے جسم میں بھی ان غاؤں سے انسولین کی مزاحمت، بلڈ گلوکوز اور خون میں چکنائی کی سطح بڑھتی ہے۔

اس تحقیق کے نتائج جرنل جرنل امیونٹی اینڈ ایجنگ میں شائع ہوئے۔