19 مارچ ، 2025 
نک جونس نے پریانکا کا رشتہ کیسے مانگا تھا؟ والدہ مدھو چوپڑا نے دلچسپ قصہ سنا دیا
19 مارچ ، 2025
شہرہ آفاق اداکارہ پریانکا چوپڑا کی والدہ ڈاکٹر مدھو چوپڑا نے ہالی وڈ گلوکار نک جونس کی جانب سے بیٹی کا رشتہ مانگے جانے کا احوال سنادیا۔
2018 میں پریانکا چوپڑا کی جب امریکی پاپ گلوکار و اداکار نک جونس سے منگنی ہوئی تو ان کے پرستار خوشگوار حیرت میں مبتلا ہوگئے کیونکہ یہ وہ خبر تھی جو اچانک سامنے آئی۔
بھارتی میڈیا سے گفتگو کے دوران پریانکا چوپڑا کی والدہ مدھو چوپڑا نے اس بات کو یاد کرتے ہوئے بتایا کہ ایک دن نک جونس نے مجھے کہا کہ میں آپ کو لنچ پر لے جانا چاہتا ہوں اور پھر وہ مجھے لنچ پر لے گیا۔
ڈاکٹر مدھو چوپڑا کے مطابق وہاں پہنچ کر نک نے مجھے سے پوچھا کہ آپ نے پریانکا کے لیے کیسا لڑکا سوچا ہے؟ جس پر میں نے بتایا کہ فلاں فلاں باکسز ’ٹِک‘ہونے چاہئیں (یعنی میں نے جیسا لڑکا سوچا تھا وہ سب بتایا)۔
اداکارہ کی والدہ نے کہا اس کے بعد نک جونس نے میرا ہاتھ پکڑ کر کہا کہ میں وہ آدمی ہوں، کیا میں وہ شخص بن سکتا ہوں؟ اس کے بعد اس نے کہا کہ میں آپ سے وعدہ کرتا ہوں کہ ایک بھی باکس ’اَن ٹِک‘ نہیں ہوگا۔ (یعنی آپ کی توقع کے خلاف کچھ نہیں ہوگا)
مدھو چوپڑا کے مطابق میں اس صورتحال پر کافی حیران ہوئی اور اس سب کچھ کےلیے میں تیار بھی نہیں تھی لیکن میں بہت خوش تھی کیونکہ وہ اتنا ہینڈسم اور عمدہ لڑکا تھا۔
ان کا کہنا تھا کہ اس کے (نک جونس) بارے میں کچھ بتانا کافی مشکل ہے، اس وقت تک میں اسے سرسری سی جانتی تھی لیکن پھر بھی ایک تاثر تو قائم ہوتا ہے کہ وہ بہت اچھا لڑکا ہے۔
واضح رہے کہ پریانکا چوپڑا اور نک جونس کی شادی یکم دسمبر 2018 میں ہوئی اور دونوں کی ایک بیٹی مالتی میری سروگیسی کے ذریعے پیدا ہوئی۔
مزید خبریں :
اداکارہ مایا علی نے تاحال شادی نہ کرنے کی وجہ بتادی
3 گھنٹے پہلے
