26 مارچ ، 2025 
ترقی پذیر ممالک کو زیادہ محصولات اورتجارتی پابندیاں عالمی معیشت میں شامل ہونے سے روکتی ہیں: وزیر خزانہ
26 مارچ ، 2025
وزیر خزانہ سینیٹر محمد اورنگزیب نے کہا ہے کہ ترقی پذیر ممالک کو زیادہ محصولات اور تجارتی پابندیوں کا سامنا انہیں عالمی معیشت میں شامل ہونے سے روکتا ہے۔
وزیر خزانہ سینیٹر محمد اورنگزیب نے بواؤ فورم برائے ایشیا سالانہ کانفرنس 2025 سے خطاب کرتے ہوئے کہا کہ قرضوں کی معافی، مالیاتی انصاف کے حصول کے لیے جی 20 اور آئی ایم ایف کو خود مختار قرض کے نظام کو دوبارہ ترتیب دینا چاہیے۔
وزیر خزانہ سینیٹر محمد اورنگزیب کے مطابق حکومتوں اور بین الاقوامی اداروں کو ڈیجیٹل شمولیت کی حمایت کےلیےعالمی سطح پر اے آئی اور فِن ٹیک فنڈز قائم کرنے چاہئیں۔
انھوں نے کہا کہ ترقی پذیر معیشت کےطور پر پاکستان کو مستقل تجارتی عدم توازن، بیرونی قرضوں کا دباؤ اور مالیاتی رسائی کی کمی کا سامنا ہے جبکہ ترقی پذیر ممالک کو زیادہ محصولات اورتجارتی پابندیوں کا سامنا ہے یہی چیزیں انہیں عالمی معیشت میں شامل ہونے سے روکتی ہیں۔
سینیٹر محمد اورنگزیب نے مزید کہا کہ دنیا کو مل کر ایک کثیر الجہتی، پائیدار اور جدت پر مبنی عالمی معیشت کی تعمیر کرنی چاہیے، ایسی معیشت جو تمام ممالک کو ترقی اور خوشحالی کے مواقع فراہم کرے۔
مزید خبریں :
پیٹرول کی قیمت ایک روپیہ فی لیٹر کم کردی گئی
28 مارچ ، 2025
سونے کی قیمت کا نئے ریکارڈ بنانے کا سلسلہ جاری
28 مارچ ، 2025
آئی ایم ایف نے حکومت کو بجلی ٹیرف میں کمی کی اجازت دیدی
27 مارچ ، 2025
