06 اپریل ، 2025 
لاہور کے اسپتالوں میں ادویات کی عدم دستیابی، پولیس اسپیشل برانچ کو تحقیقات کا ٹاسک دے دیا گیا
06 اپریل ، 2025
لاہور پولیس کی اسپیشل برانچ نے شہر کے اسپتالوں میں ادویات کی قلت سے متعلق تحقیقات شروع کردیں۔
ذرائع کے مطابق لاہور کے بڑے اسپتالوں میں ادویات کی عدم دستیابی اور سہولتوں کے فقدان پر وزیر اعلیٰ پنجاب مریم نواز نے پولیس کی اسپیشل برانچ کو ادویات کی انسپکشن کا ٹاسک سونپ دیا۔
ذرائع نے بتایاکہ اسپیشل برانچ نے اسپتالوں سے ادویات اور سہولتوں کے بارے میں تفصیلات حاصل کرنا شروع کردیں۔
ذرائع کا کہنا ہے کہ اسپیشل برانچ کے متحرک ہونے کے بعد اسپتالوں کی انتظامیہ پریشان ہے اور ریکارڈ کی درستی کا عمل شروع کردیا۔
ذرائع کے مطابق اسپیشل برانچ کا عملہ پروفیسرز اور سینیئر ڈاکٹرز کی حاضری کا ریکارڈ بھی اکٹھا کررہا ہے ،مریضوں اور لواحقین سے بھی تفصیلات طلب کی جا رہی ہیں۔
اسپیشل برانچ جلد وزیر اعلیٰ کو رپورٹ پیش کرے گی اور وزیراعلیٰ انسپکشن رپورٹس پرایکشن لیں گی۔ ذرائع کے مطابق وزیراعلیٰ کواسپتالوں میں ادویات کی عدم دستیابی کی شکایات ملی تھیں۔
خیال رہے کہ گزشتہ دنوں وزیر اعلیٰ پنجاب مریم نواز نے لاہور میو اسپتال ایکسیڈنٹ اینڈ ایمرجنسی سرجیکل ٹاور کا دورہ کیا تو مریضوں نے شکایات کے انبار لگا دیے تھے۔ وزیراعلیٰ نے میو اسپتال انتظامیہ کی سخت سرزنش کی تھی اور ایم ایس کو عہدے سے فوری ہٹانےکا حکم دیا تھا۔
مزید خبریں :
خیبر پختونخوا میں دل کی بیماریوں میں خطرناک حد تک اضافہ
06 اپریل ، 2025
رات کو سونا مشکل ہوتا ہے؟ تو اس آسان ٹپ کو فوری آزما کر دیکھیں
04 اپریل ، 2025
نہار منہ سونف کا پانی پینے کے جادوئی فوائد جانیے
03 اپریل ، 2025
سائنسدانوں کی گنج پن کے مؤثر علاج کیلئے اہم پیشرفت
02 اپریل ، 2025
وہ آسان عادت جس سے بڑھاپے میں متعدد دائمی امراض سے بچنا ممکن
30 مارچ ، 2025
