16 اپریل ، 2025 
پاکستان
ٹی پی لنک کینال کو بند کیا جائے اور سندھ کواسکے حصے کا پانی دیا جائے تاکہ پانی کی قلت کم ہو، جام خان شورو/ فائل فوٹو
وزیر آبپاشی سندھ نے ٹی پی لنک کینال کھولنے پر ارسا کو دوسرا خط لکھ دیا
16 اپریل ، 2025
کراچی: وزیر آبپاشی سندھ جام خان شورو نے ٹی پی لنک کینال کھولنے پر ارسا دوسرا خط لکھ دیا۔
وزیر آبپاشی سندھ کی جانب سے لکھے گئے خط میں کہا گیا کہ ارسا نے ٹی پی لنک کینال سے پانی کا اخراج 2981 کیوسک سے بڑھا کر آج 3814 کیوسک کر دیا۔
جام خان شورو نے خط میں کہا کہ سندھ میں پانی کی شدید کمی ہے، ٹی پی لنک کینال کو بند کیا جائے اور سندھ کو اس کے حصے کا پانی دیا جائے تاکہ پانی کی قلت کم ہو۔
واضح رہے اس سے قبل محکمہ آبپاشی پنجاب کی جانب سے بھی ارسا کو خط لکھا گیا تھا جس میں کہا گیا تھا کہ ربیع کی فصلوں کےلیے پانی کی مجموعی طور پر 16فیصد کمی تھی جس پر سندھ کو 19اورپنجاب کو 22 فیصد کم پانی دیاگیا۔
