30 اپریل ، 2025 
آئی فون 17 پرو کے نئے رنگ سے متعلق معلومات لیک
30 اپریل ، 2025
معروف ٹیکنالوجی کمپنی ایپل کے آئی فون 17 سیریز کی لانچنگ چند مہینوں کی دوری پر ہے تاہم لیکس کا سلسلہ جاری ہے۔
حال ہی میں آئی فون 17 پرو کی لانچنگ سے قبل ایک نیا دعویٰ سامنے آگیا ہے۔
آئی فون کے ایک معروف لِیکر ’ماجن بو‘ کے مطابق ایپل کمپنی مبینہ طور پر آئی فون 17 پرو کیلئے ایک نئے رنگ کا منصوبہ بنارہی ہے۔
ماجن بو کے مطابق ایپل آئی فون 17 پرو کو بالکل نئے اسکائی بلیو رنگ میں متعارف کراسکتا ہے جو کہ رواں برس لانچ کی جانے والی نئے M4 میک بک ایئر ماڈلز کی طرح ہوگا۔
واضح رہے کہ موجودہ آئی فون 16 پرو بلیک ٹائٹینیم، ڈیزرٹ ٹائٹینیم، نیچرل ٹائٹینیم اور وائٹ ٹائٹینیم کلر میں پیش کیا گیا ہے، ماجن بو نے ایپل 16 پرو کی لانچنگ سے قبل ڈیزرٹ ٹائٹینیم کلر کی معلومات لیک کی تھیں جو بعد میں سچ ثابت ہوئیں۔
ایپل نے آئی فون 13 پرو کے بعد سے کوئی بلیو ’پرو‘ ماڈل متعارف نہیں کرایا ہے۔
اس سے قبل یوٹیوب پر شیئر کی گئی ایک ویڈیو میں بتایا گیا تھا کہ آئی فون کا آئندہ ماڈل توقع سے بھی زیادہ اور اب تک کا سب سے زیادہ پتلا فون ہو سکتا ہے۔
مزید خبریں :
پی ٹی اے کا اسٹارلنک کو فوری لائسنس جاری نہ کرنے کا فیصلہ
29 اپریل ، 2025
سستے فون سے اچھی تصویریں کیسے لی جائیں؟ ٹپس جانیں
28 اپریل ، 2025
انٹرنیٹ کمپنی یاہو نے گوگل کروم خریدنے میں دلچسپی ظاہر کردی
26 اپریل ، 2025
پینسل سے بھی پتلا، آئی فون 17 کی نئی ویڈیو لیک ہوگئی
25 اپریل ، 2025
چین میں 10جی براڈبینڈ انٹرنیٹ سروس متعارف کرادی گئی
23 اپریل ، 2025
