چائے پینا پسند کرتے ہیں تو اس کا یہ فائدہ ضرور جان لینا چاہیے

اگر آپ چائے پینا یا چاکلیٹ کھانا پسند کرتے ہیں تو اچھی خبر یہ ہے کہ ان سے لطف اندوز ہونا آپ کو ایک جان لیوا مرض سے تحفظ فراہم کرتا ہے۔

جی ہاں چائے پینے یا کچھ مقدار میں چاکلیٹ کھانے سے بلڈ پریشر کی سطح میں کمی لانے میں مدد مل سکتی ہے۔

یہ بات برطانیہ میں ہونے والی ایک طبی تحقیق میں سامنے آئی۔

سرے یونیورسٹی کی تحقیق میں دریافت کیا گیا کہ چائے، سیب، چاکلیٹ اور انگوروں میں پائے جانے والے فلیونوئڈز نامی مرکبات خون کی شریانوں کی صحت اور بلڈ پریشر کی سطح کو بہتر بناتے ہیں۔

ایک شخص نے 20 برسوں کے دوران خود کو 200 سانپوں سے کیوں ڈسوایا؟

2 دہائیوں تک وہ دنیا کے چند زہریلے ترین سانپوں نے ان کے بازؤں میں اپنے دانت گاڑے۔

اس تحقیق کے دوران 145 تحقیقی رپورٹس کا تجزیہ کیا گیا اور دریافت ہوا کہ غذاؤں کے ذریعے فلیونوئڈز کو جزوبدن بنانے سے بلڈ پریشر کی سطح میں کمی آتی ہے۔

خاص طور پر ایسے افراد کو زیادہ فائدہ ہوتا ہے جو ہائی بلڈ پریشر کے شکار ہوتے ہیں یا ان کا بلڈ پریشر معمول سے زیادہ ہوتا ہے۔

خیال رہے کہ ہائی بلڈ پریشر کے اکثر مریض اس بات سے لاعلم رہتے ہیں کہ وہ اس مرض کا شکار ہوچکے ہیں اور اسی وجہ سے اسے خاموش قاتل بھی کہا جاتا ہے۔

ہائی بلڈ پریشر سے ہارٹ اٹیک یا فالج جیسے جان لیوا امراض کا خطرہ بڑھ جاتا ہے۔

جوان افراد میں امراض قلب کی شرح بڑھنے کی اہم وجہ دریافت

چند راتوں کی ناکافی نیند سے امراض قلب سے متاثر ہونے کا خطرہ نمایاں حد تک بڑھ جاتا ہے۔

ہائی بلڈ پریشر سے متاثر ہونے کی متعدد وجوہات ہو سکتی ہیں جیسے نمک کا زیادہ استعمال، دل اور خون کی شریانوں پر زیادہ دباؤ، جسم میں پانی کا اجتماع، فکرمندی اور غصہ۔

فلیونوئڈز مرکبات سے خون کی شریانوں کے اندرونی افعال بھی بہتر ہوتے ہیں جو دل کی صحت کے لیے بہت اہم ہوتے ہیں اور اس سے بھی بلڈ پریشر کی سطح مثبت اثرات مرتب ہوتے ہیں۔

محققین نے بتایا کہ نتائج سے عندیہ ملتا ہے کہ چائے، چاکلیٹ یا سیب وغیرہ کا استعمال بلڈ پریشر کو درست رکھنے میں مددگار ثابت ہوسکتا ہے۔

انہوں نے مزید بتایا کہ غذائی معمولات میں معمولی تبدیلیوں جیسے سیب، چائے، ڈارک چاکلیٹ کو روزانہ کی غذا کا حصہ بنانے سے کوئی نقصان بھی نہیں ہوتا۔

ہر رات کتنے گھنٹے کی نیند بہترین ہے؟

حقیق کے نتائج حیرت انگیز ہیں کیونکہ نیند کے مثالی دورانیے کا انحصار اس بات پر ہوتا ہے کہ آپ کہاں مقیم ہیں۔

ان کا کہنا تھا کہ ہم یہ نہیں کہتے کہ ہائی بلڈ پریشر کے مریض ادویات کا استعمال ترک کر دیں مگر فلیونوئڈز سے بھرپور غذاؤں کو روزانہ استعمال کرنے سے صحت مند رہنے میں مدد ملتی ہے۔

اس تحقیق کے نتائج European Journal of Preventive Cardiology میں شائع ہوئے۔