19 مئی ، 2025 
پاکستان نے بھارت سے 1971 کی جنگ کا بدلہ لے لیا: عطا تارڑ
19 مئی ، 2025
وفاقی وزیر اطلاعات عطااللہ تارڑ کا کہنا ہے پاکستان نے بھارت سے 1971 کی جنگ کا بدلہ لے لیا۔
لاہور میں معرکہ حق میں کامیابی پر پاک فوج اور سیاسی قیادت کو خراج تحسین پیش کرنےکی تقریب میں خطاب کرتے ہوئے عطااللہ تارڑ کا کہنا تھا کہ سپہ سالار عاصم منیر کی ولولہ انگیز قیادت میں بھارت کو منہ توڑ جواب دیا گیا جسے وہ ہمیشہ یاد رکھے گا۔
عطا تارڑ نے کہا کہ پاکستانی شاہینوں نے 6 بھارتی جہازوں کو مار گرایا،بھارتی عسکری ٹھکانوں کو نشانہ بنایا تو شکست خوردہ بھارت امریکا کے گھٹنوں میں بیٹھ کر جنگ بندی کی بھیک مانگنے لگ گیا، دشمن کو ایسا سبق سکھایا ہے جسے تاریخ ہمیشہ یاد رکھے گی۔
عطاتارڑ کا کہنا تھا ہم پہلگام واقعہ کی تحقیقات کے لیے تیار تھے لیکن بھارت سفارتی محاذ سے بھاگ گیا،ہم امن پسند لوگ ہیں امن کے داعی و خواہشمند ہیں دشمن نے امن کو کمزوری سمجھا تو بھرپور جواب دیا ۔ اب بات ہوگی تو کشمیر پر ہوگی۔پاکستان نے بھارت سے 1971 کی جنگ کا بدلہ لے لیا۔
انہوں نے کہا کہ دوست ممالک کا ساتھ دینے پر ان کے شکر گزار ہیں، معاشی ترقی کے سفر کو آگے بڑھائیں گے، معاشی میدان میں بھی دشمن کو شکست دیں گے ۔
