جوان افراد میں ذیابیطس جیسا مرض تیزی سے عام ہونے کی اہم وجوہات جانیں

موجودہ عہد میں جوان افراد میں ذیابیطس ٹائپ 2 جیسا دائمی مرض بہت تیزی سے عام ہوتا جا رہا ہے۔

ماضی میں اسے درمیانی عمر کے افراد کا مرض تصور کیا جاتا تھا مگر اب یہ 20 سال سے زائد عمر کے افراد میں بھی کافی عام ہوتا جا رہا ہے۔

اس حوالے طبی ماہرین نے مختلف وجوہات پر روشنی ڈالی ہے جو جوان افراد میں ذیابیطس ٹائپ 2 کے پھیلاؤ کا باعث بن رہی ہیں۔

درج ذیل میں ان وجوہات کو جانیں جو جوان افراد میں ذیابیطس کا باعث بنتی ہیں۔

ذیابیطس کی نئی قسم ذیابیطس ٹائپ 5 کیا ہے؟

ذیابیطس کی یہ قسم غریب ممالک میں زیادہ عام ہےاور دنیا بھر میں اس سے 2 سے ڈھائی کروڑ افراد متاثر ہیں۔

جوانی میں موٹاپے سے متاثر ہونا

اضافی جسمانی وزن خاص طور پر توند نکلنے سے جسم کی انسولین کو مؤثر طریقے سے استعمال کرنے کی صلاحیت گھٹ جاتی ہے۔

جسمانی چربی میں جتنا اضافہ ہوگا، انسولین کی مزاحمت اتنی زیادہ بڑھ جائے گی جس کا نتیجہ ذیابیطس ٹائپ 2 کی شکل میں نکلتا ہے۔

ناقص غذائی عادات

چینی اور نمک سے بھرپور غذاؤں یا الٹرا پراسیس غذاؤں کو کھانے کا شوق بھی ذیابیطس کا شکار بنا سکتا ہے۔

ذیابیطس کا شکار ہونے کا عندیہ دینے والی عام علامات

ذیابیطس کی 2 اہم اقسام ٹائپ 1 اور ٹائپ 2 ہیں اور ان دونوں کی ابتدائی اہم علامات ایک جیسی ہوتی ہیں۔

موجودہ عہد میں جوان افراد جنک فوڈ کا استعمال پسند کرتے ہیں جس سے جوانی میں ہی میٹابولزم کو نقصان پہنچتا ہے اور ذیابیطس سے متاثر ہونے کا خطرہ بڑھ جاتا ہے۔

جسمانی سرگرمیوں سے دوری

جسمانی سرگرمیوں سے دوری یا دن میں زیادہ تر وقت اسمارٹ فونز یا دیگر اسکرینوں کو سامنے گزارنے سے بھی صحت متاثر ہوتی ہے۔

اس عادت سے میٹابولزم کی رفتار گھٹ جاتی ہے جبکہ انسولین کی حساسیت بدترین ہو جاتی ہے۔

جینیاتی اور خاندانی تاریخ

اگر آپ کے والدین یا بہن بھائیوں میں سے کسی کو ذیابیطس ٹائپ 2 کا سامنا ہوچکا ہے تو اس کا مطلب ہے کہ آپ میں بھی اس کا خطرہ بہت زیادہ ہے۔

ہائی بلڈ پریشر کا شکار بنانے والی اہم وجوہات

ہائی بلڈ پریشر سے ہارٹ اٹیک یا فالج جیسے جان لیوا امراض کا خطرہ بڑھ جاتا ہے۔

خاندانی تاریخ کے ساتھ ساتھ اگر آپ اوپر درج نقصان دہ عادات کو اپناتے ہیں تو یہ خطرہ مزید بڑھ جاتا ہے۔

ایشیائی افراد میں یہ خطرہ زیادہ ہوتا ہے

جنوبی ایشیا سے تعلق رکھنے والے افراد میں ذیابیطس ٹائپ 2 سے جلد متاثر ہونے کا خطرہ یورپ یا امریکا کے شہریوں کے مقابلے میں زیادہ ہوتا ہے۔

اس کی واضح وجہ تو معلوم نہیں مگر ماہرین جینیاتی اور غذائی عادات کو اس سے منسلک کرتے ہیں۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔