آج کل ذیابیطس کا مرض تیزی سے کیوں پھیل رہا ہے؟ اہم وجہ سامنے آگئی

دنیا بھر میں ذیابیطس ٹائپ 2 کا مرض وبا کی طرح پھیل رہا ہے اور اکثر کہا جاتا ہے کہ چینی کا زیادہ استعمال اس کی بڑی وجہ ہے۔

مگر اب ایک نئی تحقیق میں بتایا گیا کہ ہر قسم کی شکر سے ذیابیطس ٹائپ 2 کا یکساں خطرہ لاحق نہیں ہوتا۔

امریکا کی بریگھم ینگ یونیورسٹی کی تحقیق بتایا گیا کہ سوڈا یا سافٹ ڈرنکس اور فروٹ جوسز میں موجود چینی کے زیادہ استعمال سے ذیابیطس ٹائپ 2 سے متاثر ہونے کا خطرہ بڑھتا ہے۔

تحقیق میں درجنوں تحقیقی رپورٹس کے ڈیٹا کا جامع تجزیہ کیا گیا اور نتائج میں شکر کی اقسام اور ذیابیطس ٹائپ 2 کے خطرے کے درمیان تعلق کا جائزہ لیا گیا۔

درمیانی عمر میں جسمانی وزن میں کمی لانے سے متعدد دائمی امراض سے بچنا ممکن ہوتا ہے، تحقیق

درمیانی عمر میں جسمانی وزن میں 6.5 فیصد کمی لانے سے صحت کو طویل المعیاد بنیادوں پر فائدہ ہوتا ہے۔

تحقیق میں شامل ڈیٹا 5 لاکھ سے زائد افراد کا تھا جن کا تعلق متعدد ممالک سے تھا۔

نتائج میں انکشاف ہو کہ مشروبات جیسے سافٹ ڈرنکس اور فروٹ جوسز وغیرہ کے ذریعے چینی کو جزوبدن بنانے سے ذیابیطس ٹائپ 2 سے متاثر ہونے کا خطرہ بہت زیاہ بڑھ جاتا ہے۔

دوسری جانب شکر کی دیگر اقسام میں یہ تعلق دریافت نہیں ہوسکا۔

تحقیق میں دریافت کیا گیا کہ میٹھے مشروبات کی ہر اضافی 12 اونس مقدار کے استعمال سے ذیابیطس ٹائپ 2 سے متاثر ہونے کا خطرہ 25 فیصد تک بڑھ جاتا ہے۔

مشروبات پر بھاری ٹیکسز سے ذیابیطس پر قابو پانے میں مدد مل سکتی ہے

پاکستان میں 35 ملین افراد ذیابیطس کا شکار ہیں اور 2050 تک یہ تعداد 70 ملین سے تجاوز کر جائیگی

درحقیقت روزانہ ان مشروبات کے ایک بار استعمال سے بھی اس دائمی مرض سے متاثر ہونے کا خطرہ بڑھتا ہے۔

اگر کوئی فرد روزانہ 4 سافٹ ڈرنکس کا استعمال کرتا ہے تو ذیابیطس سے متاثر ہونے کا خطرہ 20 فیصد تک بڑھ جاتا ہے۔

اس کے مقابلے میں روزانہ 20 گرام چینی کے استعمال سے ذیابیطس ٹائپ 2 سے متاثر ہونے کا خطرہ اتنا زیادہ نہیں بڑھتا۔

تو سیال چینی کا استعمال چینی کو کھانے کے مقابلے میں زیادہ مسائل کا باعث کیوں بنتا ہے۔

عالمی درجہ حرارت میں اضافے سے خواتین میں کینسر کی شرح بڑھ سکتی ہے، تحقیق

درجہ حرارت بڑھنے سے خواتین میں بریسٹ، مادر رحم اور دیگر کینسر زیادہ عام اور جان لیوا ہوتے جا رہے ہیں۔

تحقیق میں بتایا گیا کہ مشروبات میں موجود سیال چینی براہ راست جگر کے میٹابولزم کے افعال پر منفی اثرات مرتب کرتا ہے جس سے جگر میں چربی بڑھتی ہے اور انسولین کی مزاحمت میں بھی اضافہ ہوتا ہے۔

دوسری جانب غذاؤں میں شامل چینی یا دیگر قدرتی شکر والی غذائیں جیسے پھل، دودھ یا اس سے بنی مصنوعات وغیرہ سے جگر کے میٹابولک افعال پر منفی اثرات مرتب نہیں ہوتے۔

تحقیق کے مطابق فروٹ جوسز میں کچھ وٹامنز اور غذائی اجزا بھی موجود ہوتے ہیں، مگر وہ صحت کے لیے مفید نہیں، کیونکہ ان میں چینی کی مقدار کافی زیادہ ہوتی ہے۔

محققین نے بتایا کہ یہ پہلی تحقیق ہے جس میں شکر کی مختلف اقسام اور ذیابیطس ٹائپ 2 کے خطرے کے درمیان تعلق پر روشنی ڈالی گئی۔

وٹامن ڈی کے استعمال کا ایک اور بہترین فائدہ دریافت

جسم میں وٹامن ڈی کی مناسب مقدار حیاتیاتی عمر کی رفتار کو سست کر دیتی ہے۔

انہوں نے مزید بتایا کہ نتائج سے ثابت ہوتا ہے کہ سیال چینی کا استعمال صحت کے لیے اسے کھانے کے مقابلے میں زیادہ مسائل کا باعث بنتا ہے۔

ان کا کہنا تھا کہ تحقیق سے ثابت ہوتا ہے کہ میٹھے مشروبات اور فروٹ جوسز میٹابولک صحت کو نقصان پہنچاتے ہیں۔

اس تحقیق کے نتائج جرنل ایڈوانسز اینڈ نیوٹریشن میں شائع ہوئے۔