ٹرمپ پاک بھارت جنگ بندی پر مسلسل بات کررہے ہیں اور مودی کی آواز نہیں نکل رہی: راہول گاندھی

بھارتی اپوزیشن جماعت کانگریس کے رہنما راہول گاندھی کا ایک بار پھر بھارتی وزیراعظم نریندر مودی پر وار۔

راہول گاندھی نے کہا کہ ڈونلڈ ٹرمپ پاک بھارت جنگ بندی سے متعلق مسلسل بات کررہے ہیں اور نریندر مودی کی آواز نہیں نکل رہی، وجہ یہ ہے کہ ڈونلڈ ٹرمپ سچائی بیان کررہے ہیں۔

راہول گاندھی نے کہا کہ امریکی صدر 11 مرتبہ کہہ چکے ہیں کہ انہوں نے مودی کو جنگ بندی پر مجبور کیا لیکن  نریندر مودی چوں بھی نہیں کرپارہے، وہ یہ نہیں کہہ پارہے کہ ٹرمپ جھوٹ بول رہے رہیں۔

راہول گاندھی نے کہا کہ اس کی وجہ یہ ہے کہ امریکی صدر جو کہہ رہے ہیں وہ حقیقت ہے۔

خیال رہےکہ واضح رہے کہ صدر ٹرمپ پاکستان اور بھارت کےدرمیان جنگ بندی کی بات ایک درجن بار دہراچکے ہیں۔

ہر بار یہ بات سن کر مودی سرکارسیخ پا ہوجاتی ہے اور ساتھ ہی بھارتی حزب اختلاف کانگریس کو مودی کا مذاق اڑانےکا پھر موقع مل جاتا ہے۔

گزشتہ دنوں بھی راہول گاندھی نے بھوپال میں ریلی سے خطاب کے دوران کہا تھا کہ بھارتیہ جنتا پارٹی اور آر ایس ایس والوں کو اچھی طرح جانتا ہوں، ان پر تھوڑا دباؤ ڈالو یہ ڈر کر بھاگ جاتے ہیں۔

انہوں نے مزید کہا کہ جیسے اُدھر سے ٹرمپ نے ایک اشارہ کیا اور کہا کہ مودی جی کیا کر رہے ہو؟ نریندر سرینڈر اور مودی جی نے جی حضور کہہ کر اشارے کی تعمیل کردی۔

'پاکستان میں بہت مضبوط لیڈر شپ ہے'، امریکی صدر ٹرمپ

فخر ہے کہ 2 ایٹمی ریاستوں کےدرمیان جنگ بندی کرائی، دونوں ملکوں سے کہا کہ آپ گولیاں چلائیں گےتوتجارت نہیں ہوگی: ٹرمپ نے پاک بھارت جنگ بندی میں کردار ادا کرنے کی بات دہرا دی۔

’ٹرمپ نے اشارہ کیا، نریندر سرینڈر، مودی نے جی حضور کہہ کر تعمیل کردی‘، راہول کی تنقید

بھارتیہ جنتا پارٹی اور آر ایس ایس والوں کو اچھی طرح جانتا ہوں، ان پر تھوڑا دباؤ ڈالو یہ ڈر کر بھاگ جاتے ہیں، بھارتی اپوزیشن لیڈر کا ریلی سے خطاب