22 جون ، 2025 
دنیا
ایرانی صدر کی تہران میں ہونے والے احتجاج میں شرکت—فوٹو: امریکی میڈیا
ایرانی خواتین نے احتجاج میں سپریم لیڈر کی تصاویر اٹھا رکھی ہیں—فوٹو: امریکی میڈیا
تہران میں جوہری تنصیبات پر امریکی حملوں کیخلاف ہزاروں افراد کا احتجاج، ایرانی صدر کی بھی شرکت
22 جون ، 2025
ایران کے جوہری تنصیبات پر امریکی حملوں کے خلاف دارالحکومت تہران میں ہزاروں افراد نے احتجاجی مارچ کیا۔
تہران کے انقلاب اسکوائر پر ہونے والے اس احتجاج میں ایرانی صدر مسعود پزشکیان سمیت دیگر اعلیٰ سرکاری حکام نے بھی شرکت کی۔
مظاہرین نے ایران پر امریکی حملوں کے خلاف شدید نعرے بازی کی، احتجاج میں شریک افراد نے بینرز اٹھا رکھے تھے جن پر امریکا کے خلاف نعرے درج تھے۔
امریکا اور اسرائیل کے خلاف ہونے والے اس احتجاج میں خواتین نے بھی شرکت کی جنہوں نے ہاتھوں میں سپریم لیڈر آیت اللہ خامنہ کی تصاویر اٹھا رکھی تھیں۔
مظاہرین نے حکومت سے یکجہتی کا اظہار کیا اور کہا کہ وہ دشمن کے خلاف بڑی جنگ لڑنے سے پیچھے نہیں ہٹیں گے۔
