28 مارچ ، 2012 
4ملکی گیس منصوبہ، ٹرانزٹ فیس کیلئے حتمی مذاکرات اپریل میں ہونگے
28 مارچ ، 2012
اسلام آباد … سیکریٹری پیٹرولیم اعجاز چوہدری نے کہا ہے کہ پاکستان نے بھارت سے گیس منصوبے پر وہی ٹرانزٹ فیس مانگی ہے جو وہ افغانستان کو ادا کرے گا، ٹرانزٹ فیس طے کرنے کیلئے حتمی مذاکرات 19 اپریل کو کابل میں ہوں گے۔ اسلام آباد میں میڈیا سے گفتگو کرتے ہوئے اعجاز چوہدری نے کہا ہے کہ ترکمانستان، افغانستان، پاکستان اور بھارت منصوبے پر ٹرانزٹ فیس طے کرنے کیلئے حتمی مذاکرات 19 اپریل کو کابل میں ہوں گے، بھارت نے پاکستان کی اس تجویز کو سراہا ہے تاہم تسلیم نہیں کیا۔ اعجاز چوہدری نے کہا کہ پاک ایران گیس پائپ لائن کی تعمیر کیلئے روس کی کمپنی گیس پروم سے مذاکرات کریں گے جس کیلئے 2اور 3 اپریل کو پاکستانی وفد روس جائے گا۔ انہوں نے کہا کہ بھارت سے پیٹرولیم مصنوعات کی درآمد کے بارے میں مذاکرات اپریل کے تیسرے ہفتے میں ہوں گے۔ سیکریٹری پیٹرولیم کا کہنا تھا کہ ایل این جی کی درآمد کیلئے نئے ٹینڈرز جاری کیے جائیں گے۔
مزید خبریں :
گردشی قرضہ، حکومت کی بینکوں سے 1240 ارب روپے قرض لینے کی کوشش
24 فروری ، 2025
رمضان کی آمد سے قبل ہی منافع خور متحرک، پھلوں کی قیمتیں بڑھ گئیں
23 فروری ، 2025
ملک میں سونے کی فی تولہ قیمت ایک روز کمی کے بعد پھر بڑھ گئی
22 فروری ، 2025
کئی روز کے مسلسل اضافے کے بعد سونے کی قیمت میں کمی آگئی
21 فروری ، 2025
بجلی 8 سے 10 روپے فی یونٹ سستی کرنے کیلئے حکومتی منصوبہ تیار
21 فروری ، 2025
