پاکستان
29 مارچ ، 2012
29 مارچ ، 2012 
یکساں،مفت تعلیم کیلئے فنڈز نہ ہونے کا بہانہ نہ بنایا جائے، ہائیکورٹ
29 مارچ ، 2012
لاہور… لاہور ہائی کورٹ کے چیف جسٹس شیخ عظمت سعید نے ریمارکس دیئے ہیں کہ پاکستان کے ہر پانچ سے سولہ سال کے بچے کو یکساں اور مفت تعلیم کی فراہمی کے لئے پارلیمنٹ نے متفقہ طور پر آئین میں شق شامل کی تھی، اب اس پر عملدرآمد کے لئے یہ بہانہ نہ بنایا جائے کہ فنڈز نہیں ہیں۔ چیف جسٹس نے یہ ریمارکس 18 ویں ترمیم کے آرٹیکل 25 کے تحت بچوں کو یکساں اور مفت تعلیم کی فراہمی کے لئے اظہر صدیق ایڈووکیٹ کی درخواست کی سماعت کے دوران دیئے۔ عدالت نے سیکرٹری تعلیم پنجاب کو گیارہ اپریل کو طلب کرتے ہوئے کہا کہ شرح تعلیم میں پاکستان بہت پیچھے جا رہا ہے قوم کے بچے پڑھنا چاہتے ہیں۔ ریاست کی ذمہ داری ہے کہ وہ عوام کو یکساں اور مفت تعلیم کی سہولت فراہم کرے۔
