کراچی..... بلاول بھٹوزرداری باغ جناح میں قائم جلسہ گاہ پہنچ گئے ہیں،ان کے ساتھ پیپلز پارٹی کی مرکزی قیادت بھی موجود ہے۔ بلاول بھٹو ہیلی کاپٹر کے ذریعے جلسہ گاہ پہنچے ،بلاول بھٹوزرداری نے جلسہ گاہ اوراردگردکےعلاقوں کافضائی جائزہ لیا،ان کے ہیلی کاپٹرنے جلسہ گاہ کے اوپر کچھ دیر پروازبھی کی۔بلاول بھٹوزرداری کےہیلی کاپٹرنے مزارقائدکےقریب لینڈنگ کی جس کے بعد وہ اسٹیج پر پہنچے جہاں انہوں نے کارکنوں کو دیکھ کر ہاتھ ہلایا۔اسٹیج کے قریب وہ بس بھی موجود ہے جس پر 18اکتوبر 2007ء کو بے نظیر بھٹو سوار تھیں۔بلاول بھٹو زرداری اسٹیج سے منسلک ٹرک پر پہنچ گئے ہیں۔اس سے قبلبلاول بھٹو زرداری نے سانحہ کارساز کے شہدا کےلئے فاتحہ خوانی بھی کی۔اس موقع پر بلاول بھٹو زرداری نے کہا کہ ہم شہادت پر سوگ نہیں مناتے ،خوش ہوتے ہیں۔اسٹیج پر پیپلز پارٹی کے رہنما سابق وزیر اعظم یوسف رضا گیلانی، راجہ پرویز اشرف ، وزیر اعلیٰ سندھ قائم علی شاہ ،شرجیل میمن ، قمر زمان کائرہ، فاروق ایچ نائیک،راشد ربانی،اویس مظفر ٹپی سمیت دیگر رہنما بھی موجود ہیں۔