31 اکتوبر ، 2021 
31 اکتوبر ، 2021
پاکستان کرکٹ ٹیم کے کپتان بابر اعظم کی والدہ کو صحت میں بہتری کے بعد اسپتال سے ڈسچارج کر دیا گیا ہے۔
بابراعظم کے مینیجر کی جانب سے فوٹو اینڈ ویڈیو شیئرنگ ایپ انسٹاگرام پر اس خبر سے متعلق آگاہ کیا گیا۔
انہوں نے بابر اعظم کی والدہ اور والد کے ہمراہ تصویر شیئر کرتے ہوئے بتایا کہ الحمداللّٰہ، کپتان کی والدہ گھر پر ہیں اور آپ کی دعاؤں سے صحت یاب ہو رہی ہیں۔
پوسٹ پر بابر اعظم کے مینیجر نے مداحوں سے مخاطب ہوتے ہوئے مزید لکھا کہ ہم بحیثیت خاندان، نیک دعاؤں اور محبتوں کے لیے آپ سب کے شکر گزار ہیں۔
خیال رہے کہ بابر اعظم کے والد اعظم صدیق نے انسٹاگرام پوسٹ میں انکشاف کیا تھا کہ پاک بھارت میچ کے دوران بابر کی والدہ وینٹی لیٹر پر تھیں، وہ بیٹے کو سپورٹ کرنے اسٹیڈیم اس لیے گئے تاکہ بابر کمزور نہ پڑ جائے۔
پوسٹ میں انہوں نے یہ بھی واضح کیا تھا کہ بابر کی والدہ کی طبعیت اب بہتر ہے تاہم کپتان کے مینیجر نے اب ان کی والدہ کے ڈسچارج ہونے کی اطلاع دی ہے۔
