30 اکتوبر ، 2021 
ورلڈ کپ کے ابتدائی 3 میچز بابر اعظم نے کس تکلیف میں کھیلے ؟ والد نے بتادیا
30 اکتوبر ، 2021
قومی کرکٹ ٹیم کے کپتان بابراعظم کے والد اعظم صدیقی نے سوشل میڈیا پر ایک پوسٹ میں انکشاف کیا ہے کہ پاک بھارت میچ کے دوران بابراعظم کی والدہ وینٹی لیٹر پر تھیں۔
انہوں نے کہا کہ وہ بیٹے کو سپورٹ کرنے اسٹیڈیم اس لیے گئے تاکہ بابر کمزور نہ پڑ جائے۔
بابراعظم کے والد اعظم صدیقی نے سوشل میڈیا پرپوسٹ جاری کرتے ہوئے کہا کہ کچھ سچ قوم کو معلوم ہونا چاہیے، آپ سب کو مبارک ہو ، پاکستان کی تینوں جیت پرہمارے گھر پر بڑا امتحان تھا۔
بابر اعظم کے والد نے کہا کہ پاک بھارت میچ والے دن بابر اعظم کی والدہ وینٹی لیٹر پر تھیں اور اُن کا آپریشن ہواتھا، بابر شدید پریشانی میں یہ تینوں میچز کھیلا۔
انہوں نے کہا کہ بابر کی والدہ کی طبیعت کو دیکھتے ہوئے ان کا اسٹیڈیم میں آنا بنتا نہیں تھا لیکن وہ اس لیے آئے تاکہ بابر کمزور نہ پڑ جائے، کرم ہے پروردگار کا،اب بابر کی والدہ ٹھیک ہیں۔
انہوں نے اپیل بھی کی کہ خدارا اپنے قومی ہیروز کو بلا وجہ تنقید کا نشانہ نہ بنایا کریں۔
واضح رہے کہ پاکستان نے آئی سی سی مینز ٹی ٹوئنٹی ورلڈ کپ میں پہلے بھارت ،نیوزی لینڈ اور پھر افغانستان کو شکست سے دوچار کیا۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
