ملتان…ایم کیو ایم کے ڈپٹی کنوینر ڈاکٹر فاروق ستار نے کہا ہے کہ اگر پنجاب حکومت نے جنوبی پنجاب صوبہ کی علیحدگی کا بل دو ماہ تک منظور نہ کیا تو جنوبی پنجاب کے لوگ لانگ مارچ نکالیں گے اور پنجاب اسمبلی اور حکومت کا گھیراوٴ کیا جائے گا۔ڈاکٹر فاروق ستار نے ملتان ایم کیو ایم ہاوٴس میں کارکنان سے خطاب کرتے ہوئے مزید کہا کہ تخت لاہور والوں کے پاس اخلاقی جرات ہے تو اسمبلی میں بل لائیں، ایک ووٹ بھی جنوبی پنجاب کی مخالفت میں نہیں پڑے گا ان کا کہنا تھا کہ حکمرانوں کی موزیکل چیئر کا ٹوپی ڈرامہ چل رہا ہے اب یہ ٹوپی ڈرامہ عوام پسند نہیں کرتے۔ انہوں نے مزید کہا کہ 65 سالوں سے جاری جنوبی پنجاب خطہ کے علیحدہ صوبہ کی جدوجہد کو اب دنیا کی کوئی طاقت نہیں روک سکتی۔ ایم کیو ایم کے قائد الطاف حسین نے 23 دسمبر 2011کو جنوبی پنجاب کی عوام سے علیحدہ صوبہ کا وعدہ کیا اور 24 دسمبر2011 کو اسمبلی میں قرارداد پیش کر دی بعد میں سینیٹ میں بھی جنوری 2012 میں بل پیش کر دیا،الطاف حسین نے ہمیشہ عملی سیاست کر کے دیکھائی ہے ان کا کہنا تھا کہ الطاف حسین کے فلسفہ پر کارکنان اپنی جماعت کے لیڈروں سے ٹکٹ مانگ رہے ہیں۔ ملتان کے حلقہ پی پی 194 میں کارکن کی جیت الطاف حسین کے فلسفہ کی جیت ہے، انہوں نے کہا کہ میوزیکل چیئر کا ٹوپی ڈرامہ چل رہا ہے اب یہ ٹوپی ڈرامہ عوام پسند نہیں کرتے انہوں نے مزید کہا کہ 65 سالوں سے جاری جنوبی پنجاب خطہ کے علیحدہ صوبہ میں خیبر پختون خواہ کے دو اضلاع ڈیرہ اسماعیل خان اور ٹانگ کو بھی شامل کیا جائے گا۔کی جدوجہد کو اب دنیا کی کوئی طاقت نہیں روک سکتی ۔