کراچی.....گلگت میں پاک فوج کے ہیلی کاپٹرکے حادثے میں غیرملکی سفیروںاورپاک فوج کے افسران واہلکاروں کے شہیدہونے کے سوگ میں آج ایم کیوایم کے مرکز نائن زیروپرہونے والااجتماع اورمیوزیکل پروگرام ملتوی کردیاگیا ہے۔ واضح رہے کہ اس اجتماع سےقائدتحریک الطاف حسین کوخطاب کرناتھاجس کے بعد میوزیکل پروگرام رکھاگیاتھاتاہم مذکورہ اندوہناک سانحہ کے باعث یہ پروگرام ملتوی کردیاگیاہے۔اب یہ مجوزہ پروگرام کل بروزہفتہ ہوگا۔دریں اثناء الطا ف حسین نے نائن زیروپر رابطہ کمیٹی اورارکان پارلیمنٹ سے گفتگوکرتے ہوئے اس المناک حادثے پر دلی افسوس اورگہرے رنج وغم کااظہارکیااورکہاکہ ایم کیوایم حکومت کی جانب سے اعلان کردہ ایک روزہ قومی سوگ میں پوری طرح شریک ہے، اس کے تمام کارکنان اورہمدرد اس سانحہ میں جاں بحق ہونے والے غیرملکی سفیروں، ان کے اہل خانہ اور ان ملکوں کے عوام اورپاک فوج کے شہیدافسروں کے لواحقین کے غم میں برابرکے شریک ہیںاوردعاگوہیں کہ اللہ تعالیٰ جاں بحق ہونے والوں کے لواحقین کو اس المناک سانحہ پر صبرجمیل عطاکرے اوریہ صدمہ برداشت کرنے کی توفیق عطاکرے۔اس سے قبل الطاف حسین نے گلگت کی وادی نلتر میں ہیلی کاپٹرکی کریش لینڈنگ میں دوپائلٹ کی شہادت اور غیرملکی مہمانوں کے جاں بحق ہونے پر گہرے دکھ اور افسوس کا اظہار کیا اور سوگوارلواحقین سے دلی تعزیت کی۔الطاف حسین نے دعا کی کہ اللہ تعالیٰ شہید پائلٹ کے درجات بلند فرمائے ،انہیں جنت الفردوس میں اعلیٰ مقام عطاکرے ، جاں بحق ہونے والے غیرمسلم مہمانوں کی ارواح کو سکون دے اور تمام سوگوارلواحقین کو صبرجمیل عطا کرے ۔ (آمین)