کراچی .......ڈی ایس پی ذولفقار زیدی کی شہادت قانون نافذ کرنے والے اداروں کیلئے لمحہ فکریہ ہے ۔واقعہ اگر فرقہ وارانہ ہیں تو قاتلوں کی گرفتاری عمل میں کیوں نہیں لائی گئی،شہر میں ملت جعفریہ سے تعلق رکھنے والا تیسرا ڈی ایس پی شہید کر دیا گیاآئی جی سندھ کالعدم جماعتوں دہشتگرد جماعتوں کے خلاف آپریشن کا کب آغاز کریں گے۔ان خیلات کا اظہار مجلس و حدت مسلمین کے صوبائی رہنماء اصغر عباس زیدی نے ڈی ایس پی ذولفقار زیدی کی نماز جنازہ کے موقع پر میڈیاسے گفتگو میں کیا ان کا کہنا تھا کہ اگر شہر میں دہشتگردوں کے ہاتھوں قانون کے رکھوالے محفوظ نہیں تواس کا مطلب عوام کو بھی دہشتگردوں کے رحم و کرم پر چھوڑ دیا گیا ہے کراچی آپریشن کے باوجود گزشتہ کئی روز سے اس شہر میں بسنے والے اہم افراد کو قتل کر کے سماجی ،تدریسی،کاروباری حلقوں میں خوف کی فضاء قائم کی اور اب قوم و ملک کے محب وطن محافظوں کا قتل اس بات کی دلیل ہے کہ یہ وہی دہشتگرد کالعدم تکفیری مدارس کی سوچ ہے جو اس میںملک میں عدم استحکام دیکھناچاہتے ہیں جنہوں نے جی ایچ کیو،آرمی پبلک اسکول،مساجد و امام بارگاہوں پر دھماکے کئے اوراب شہر میں فرقہ وارانہ فسادات کو پھیلانا چاہتے ہیں جس میں وہ انشا اللہ کبھی کامیاب نہیں ہونگے ۔انھوںنے حکومت سے مطالبہ کیا کہ وہ شہر میں بڑھتے ہوئے ٹارگٹ کلنگ کے واقعات کو فوری نوٹس لے اورتکفیری دہشتگردوں کی پناہ گاہوںکا خاتمہ کیا جائے۔