18 مئی ، 2012 
لاء اینڈ جسٹس کمیشن پاکستان کا اجلاس کل اسلام آباد میں ہوگا
18 مئی ، 2012
اسلام آباد … چیف جسٹس افتخار محمد چوہدری کی سربراہی میں لاء اینڈ جسٹس کمیشن پاکستان کا اجلاس کل اسلام آباد میں ہو گا، جس میں مختلف قوانین میں ترامیم کی تجاویز پر غور کیا جائے گا۔ سپریم کورٹ کے اعلامیہ کے مطابق کل سپریم کورٹ بلڈنگ میں ہونیوالے لاء اینڈ جسٹس کمیشن آف پاکستان کے اجلاس میں معاشرے کی تبدیل ہوتی ہوئی صورتحال کو مد نظر رکھتے ہوئے لاء ریفارم سے متعلق تجاویز پر غور کیا جائے گا۔ اجلاس میں کریمنل پروسیجر کوڈ 1898ء کے سیکشن 426 اور 497 میں ترامیم پر بھی غور ہوگا، ان سیکشنز کے تحت جیل میں قید حاملہ خواتین اور بچوں کو دودھ پلانے والی ماوٴں کو ضمانت کی سہولت حاصل ہوگی۔ اجلاس میں اٹارنی جنرل، چیف جسٹس فیڈرل شریعت کورٹ، چاروں صوبائی چیف جسٹسز اور سیکریٹری قانون شریک ہو ں گے جبکہ چیف جسٹس اسلام آباد ہائی کورٹ اقبال حمید الرحمان کو خصوصی دعوت پر اجلاس میں شرکت کریں گے۔
مزید خبریں :
لاہور ہائیکورٹ کے جج نے استعفیٰ دیدیا
51 منٹ پہلے
پنجاب بھر میں دیہی مراکز صحت کی آؤٹ سورسنگ کا فیصلہ
1 گھنٹے پہلے
کراچی میں آج سے موسم گرم رہنے کی پیشگوئی
3 گھنٹے پہلے
لیبیا کشتی حادثے میں ملوث اہم ملزم گرفتار
3 گھنٹے پہلے
کان میں پانی جانے سے کیا روزہ ٹوٹ جاتا ہے؟
3 گھنٹے پہلے
