23 جنوری ، 2016 
راہداری منصوبے کو کالا باغ ڈیم نہیں بننے دینگے ، خواجہ سعد رفیق
23 جنوری ، 2016
لاہور.... وزیر ریلوے خواجہ سعد رفیق نے کہاہے کہ پاک چین اقتصادی راہداری منصوبے کو کالا باغ ڈیم نہیں بننے دیا جائے گا ،ایم ایل ون تین صوبوں کو ریل کے ذریعے ملانے کا منصوبہ ہے ،سی پیک کی رقم اس منصوبے کی تکمیل پر خرچ ہو گی۔
لاہور میں میڈیا سے گفتگو کرتے ہوئے ریلوے وزیر کا کہنا تھا کہ ایم ایل ون ریلوے کی آمدنی بڑھانے ، خسارے سے نکالنے اور تین صوبوں کو ریل سے ملانے کا منصوبہ ہے،اس کی تکمیل کے بعد اٹک سے کوٹری ریلوے ٹریک بچھایا جائے گا۔
خواجہ سعد رفیق کاکہنا تھا کہ عدالتیں حکم امتناعی دینے سے قبل محکموں کا موقف بھی سنیں ،سپریم کورٹ بزنس ٹرین کیس کی طرح رائل پام کیس میں بھی انصاف دے۔
ریلوے وزیر نے لیبر پیکیج کا اعلان کرتے ہوئے کہاکہ 39 کروڑ روپے کی رقم سے 75 ہزار ملازمین مستفید ہوں گے،ریلوے پولیس کی تنخواہیں بھی دیگر صوبوں کی پولیس کے برابر کرنے کی سمری حکومت کو بھجوا دی ہے۔
مزید خبریں :
وزیراعلیٰ پنجاب نے ٹیکس بڑھانے کی تجاویز مسترد کردیں
8 گھنٹے پہلے
عید کے تیسرے روز بھی کراچی کا موسم گرم رہنے کا امکان
10 گھنٹے پہلے
راول ڈیم میں نہاتے ہوئے 3 نوجوان ڈوب کر جاں بحق
11 گھنٹے پہلے
