کراچی … الکرم اسکوائر کے مکینوں کی جانب سے بجلی کی طویل بندش کے خلاف لیاقت آباد کے علاقے میں شدید احتجاج کیا جارہا ہے جبکہ ایف سی ایریا میں کے ای ایس سی کے دفترپر مظاہرین نے حملہ کردیا اور دفتر میں گھس کر توڑ پھوڑ کی جبکہ مشتعل مظاہرین نے کے ای ایس سی کے 2 ٹرکوں کو آگ بھی لگادی، پولیس اور رینجرز کی جانب سے مظاہرین کو منتشر کرنے کیلئے شیلنگ کی جارہی ہے۔ بجلی کی طویل بندش کے خلاف الکرم اسکوائر کے مکینوں کی جانب سے آج بھی احتجاج کیا جارہا ہے جس کے باعث لیاقت آباد اور دیگر علاقوں میں ٹریفک کی روانی شدید متاثر ہے، مظاہرین کو منتشر کرنے کیلئے پولیس اور رینجرز کی جانب سے آنسو گیس کی شیلنگ کی جارہے جبکہ جواب میں مشتعل مظاہرین بھی رینجرز اور پولیس پر پتھراوٴ کررہے ہیں جبکہ مشتعل مظاہرین نے ایف سی ایریا کے علاقے میں کے ای ایس سی کے دفتر پر حملہ کردیا اور عمارت میں گھس کر توڑ پھوڑ کی جبکہ مظاہرین نے کے ای ایس سی کے 2 ٹرکوں کو بھی آگ لگادی۔ دوسری جانب کے ای ایس سی کا کہنا ہے کہ الکرم اسکوائد کے علاقے میں لوگ بجلی کے بل ادا نہیں کررہے اور ادارے کے نادہندہ ہیں اسی وجہ سے علاقے کی بجلی بند کی گئی ہے اور بلوں کی ادائیگی تک بجلی بحال نہیں کی جائے گی۔