15 جون ، 2012 
گزشتہ سال گندم برآمد کرنے سے ایک ارب روپے کا نقصان ہوا، نادر مگسی
15 جون ، 2012
کراچی … وزیرخوراک سندھ میر نادر مگسی نے کہا ہے کہ اسٹوریج نہ ہونے کے باعث گزشتہ سال 3 لاکھ میٹرک ٹن گندم برآمد کرنا پڑی جس سے حکومت کو ایک ارب روپے کا نقصان ہوا۔ وقفہ سوالات میں جواب دیتے ہوئے میر نادر مگسی نے بتایا کہ محکمہ خوراک نے 1.412 ملین ٹن گندم حاصل کی، محکمے کا اپنا ذخیرہ 0.65 ملین ٹن ہے۔ ان کا کہنا تھا کہ گندم کے اسٹاک کو کھلے میں رکھا گیا ہے اور بتدریج آٹا ملوں اور چکیوں کو جاری کرنے کیلئے منتقل کیا گیا۔ وزیر خوراک سندھ نے بتایا اس سال فلور ملز میں فوڈ انسپکٹرز کو تعینات کیا گیا ہے۔ میر نادر مگسی نے بتایا کہ صوبے میں 172 فلور ملز کام کررہی ہیں۔ نادر مگسی نے بتایا کہ کراچی، گھوٹکی، سانگھڑ، خیرپور اور بینظیرآباد میں 5 لاکھ ٹن گنجائش کا ایک ایک جدید گودام بنایا جارہا ہے۔
مزید خبریں :
وزیراعلیٰ پنجاب نے ٹیکس بڑھانے کی تجاویز مسترد کردیں
4 گھنٹے پہلے
عید کے تیسرے روز بھی کراچی کا موسم گرم رہنے کا امکان
6 گھنٹے پہلے
راول ڈیم میں نہاتے ہوئے 3 نوجوان ڈوب کر جاں بحق
7 گھنٹے پہلے
امریکا میں سفارتکاری: بلاول بمقابلہ بینظیر بھٹو
08 جون ، 2025
