17 جون ، 2012 
کوہاٹ دھماکے کی ذمے داری تحریک طالبان نے قبول کرلی
17 جون ، 2012
کوہاٹ …کوہاٹ میں بم دھماکے سے چار پولیس اہل کاروں سمیت سات افراد جاں بحق اور آٹھ زخمی ہوگئے جبکہ خیبرایجنسی کے لنڈی کوتل بازار میں دھماکے سے27 افراد ہلاک اور 50 سے زائد زخمی ہوئے۔ڈی پی او کوہاٹ مبارک زیب کے مطابق شدت پسندوں نے نہر لاری اڈے کے قریب ریڑھی میں بم نصب کر رکھا تھا۔ جیسے ہی پولیس موبائل وہاں سے گزری تو ریموٹ کنٹرول کے ذریعے دھماکا کردیا گیا۔ دھماکے سے موبائل میں سوار چار پولیس اہل کار اور تین راہگیر موقع پر جاں بحق ہوگئے جبکہ آٹھ افراد زخمی بھی ہوئے۔دھماکے کی ذمے داری کالعدم تحریک طالبان پاکستان نے قبول کرلی۔اس سے پہلے خیبرایجنسی کے لنڈی کوتل بازار میں دھماکے سے27 افراد جاں بحق اور 50 سے زائد زخمی ہوئے، دھماکے سے 12 دکانیں اور10 گاڑیاں بھی تباہ ہوئیں۔ خاصہ دار فورس کے مطابق دھماکا بارود سے بھری گاڑی سے کیا گیا۔مرنے والوں میں تین بچوں سمیت اہلسنت والجماعت پاکستان لنڈی کوتل کے سرپرست اعلیٰ قاری عبدالرحیم بھی شامل ہیں.
مزید خبریں :
وزیراعلیٰ پنجاب نے ٹیکس بڑھانے کی تجاویز مسترد کردیں
3 گھنٹے پہلے
عید کے تیسرے روز بھی کراچی کا موسم گرم رہنے کا امکان
5 گھنٹے پہلے
راول ڈیم میں نہاتے ہوئے 3 نوجوان ڈوب کر جاں بحق
7 گھنٹے پہلے
امریکا میں سفارتکاری: بلاول بمقابلہ بینظیر بھٹو
08 جون ، 2025
