05 اکتوبر ، 2016 
پشاور:گرفتار دہشتگرد کا خودکش حملوں میں ملوث ہونے کا اعتراف
05 اکتوبر ، 2016
پشاور کے حاجی کیمپ بس اڈے سے گرفتار کالعدم تنظیم دہشتگرد نےمولانا فضل الرحمان کے گھر پر راکٹ حملے سمیت کئی خود کش حملوں میں ملوث ہونے کا اعتراف کیا ہے۔
گزشتہ روز حاجی کیمپ بس اڈے سے گرفتار ہونے والا دہشتگرد جواد اکرم کالعدم تنظیم کا اہم رکن نکلا، جس کے سر کی قیمت خیبر پختونخوا حکومت نے 10 لاکھ روپے مقرر کر رکھی تھی۔
ملزم جواد اکرم نے تحقیقات کے دوران مختلف جرائم کا اعتراف کیا ہے، جس میں سال 2007 ءمیں مولانا فضل الرحمان کے گھر راکٹ حملہ، سال 2012 میں ڈیرہ اسماعیل خان میں ماتمی جلوسں پر بم حملہ، ڈسٹرکٹ پولیس آفیسر ڈی آئی خان کے دفتر پر دو خود کش حملے اور ڈی ایس پی ڈی آئی خان پر خود کش حملہ شامل ہے۔
سی ٹی ڈی حکام کے مطابق ملزم فرقہ وارانہ دہشت گردی میں بھی ملوث ہے۔
مزید خبریں :
