14 نومبر ، 2016
چینی صدر ژی جن پنگ اور نومنتخب امریکی صدر ڈونلڈ ٹرمپ کے درمیان ٹیلی فونک رابطہ ہواہےجس میں دونوں رہنمائوں نے بہت جلد ملاقات پر اتفاق کیا ہے ۔
چینی میڈیا کے مطابق نومنتخب امریکی صدر سےبات کرتے ہوئے چینی صدر کا کہنا تھا کہ دنیاکی دو بڑی معاشی طاقتوں کو کئی شعبوں میں تعاون کی ضرورت ہے۔
چینی صدر نے مزید کہا کہ باہمی تعلقات بہتر بنانے کیلئے دونوں ملکوں کے پاس تعاون کے سوا کوئی آپشن نہیں جبکہ عالمی معاشی ترقی کو فروغ دینے کیلئے تعاون کو مضبوط کرنے کی ضرورت ہے ۔
ٹرمپ نے چینی صدر سے کہا کہ وہ چین امریکا تعلقات مضبوط کرنے کیلئےان کے ساتھ کام کرنےکیلئے پر عزم ہیں۔